Sámedigge joarkká Giellavahkov, oassálasste dån aj!

Sámedigge joarkká Giellavahkov, oassálasste dån aj!

Vuoroda gålgådismáno 25.-31. biejvijt (vahkko 43) sáme Giellavahkkuj.

- Goalmát jage maŋŋálakkoj galggap ávvudallat Giellavahkov. Mij sihtap åvdedimen ja berustimev sáme gielajs dáhpen dahkat, ja ávvusip gå vuojnnep berustibme lassán jages jahkáj sámegielajt vuojnnusin buktet, javllá sámedikkepresidænnta Aili Keskitalo (NSR). BildeKlikkForStorVersjon 

Aktisasj nuortalasj barggo

Giellavahkko la aktisasj nuortalasj aktisasjbarggo gånnå Sámedikke Vuonan, Svierigin ja Suoman li láhtjám dilev sámegielávvudallamij bájkálasj, regionála ja rijka dásen. Sáme giellavahko ulmme le buktet sáme gielajt vuojnnusin stuorsebrudagán, lasedit diedulasjvuodav sáme gielaj birra ja lasedit giellaadnemav. Sámedigge sihtá sámegiela galggi gullut ja vuojnnut gájkka sebrudaksuorgijn – juogo de rámbuvdan, median, kulturdålajn ja sosiála mediajn. Sámedigge dan diehti hasot sihke priváhta ja almulasj akterajt ja ásadusájt oassálasstet sámegielajt buktet vuojnnusij sáme Giellavahko.

- Sáme institusjåvnå ja akterra ma adni ja vuojnnusij buktij sáme gielajt árggabiejven li sierraláhkáj ájnnasa dán bargon, ja mij doajvvop nav moaddásijn gå máhttelis oassálasstij låpptit ja vuojnnusin buktet mijá sáme gielaj sihke rubbmelasj dålaj baktu ja sosiála mediajn, javllá Keskitalo

Åtså dårjav Sámedikkes

Sámedigge hasot almatjijt válldet aktijvuodav bájkálasj giellaguovdátjij jali ietjá juohkusij ja siebrij diededittjat hálov oassálasstet giellaávvudallamijn 43 vahko, jali máhttá iesj ævtodit ávvudallam vuogijt. Organisasjåvnå ja siebre máhtti åhtsåt rudájt sámedikkes gielladåjmajda Giellavahko aktijvuodan. BildeKlikkForStorVersjon 

- Máhttá liehket nav álgge dagu tjállet buorisboahtem sámegiellaj ietjat kafieja ålggolin, jali oadtjot oasev duv næhttabielev jårggåluvvam sámegiellaj. Bájkkeavijssa máhttá dahkat åvddåbielev sámegiellaj, jali dåhkki dålat giellakafiejav. Da li moadda máhttelisvuoda sidjij guhti sihti oassálasstet sáme gielaj ávvudallamis, javllá sámedikkepresidænnta Aili Keskitalo.

Ienep diedo Sámedikke doarjjaårdniga birra gávnnu mijá næhttabielijn. 

Guládallamdiehto ságájdahttemijda ássjen: Sámedikkepresidænnta Aili Keskitalo, tlf: 971 29 305, jali e-poassta: aili.keskitalo@samediggi.no