Vájmmogiella - Vuostasjkonsulænnta / Rádevadde - Gielladåjman

Vájmmogiella - Vuostasjkonsulænnta / Rádevadde - Gielladåjman

Sámedikke giellaåssudagán le rabás virgge ássjegiehtadallen. Barggoálggem le nav ruvva gå máhttelis.

Barggosadje le Sámedikke kontåvrån Ájluovtan.

Barggodahkamusá

Virge barggodahkamusá:

  • Plánit ja tjuovvolit árvvalusájt Vájmogielan ja Giellalåpptimin
  • Oajvvadit ja åvdedit Sámedikke vuorodimijt gielladåjmajda julevsámegiela ássjijn
  • Jåhtuj biedjat ja gåtsedit konkrehtalasj gielladåjmajt
  • Plánit ja organisierit konferánsajt ja seminárajt
  • Aktijvuodav ja tjåhkanimijt álmmugijn adnet
  • Ássjegiehtadallam, diededibme ja árvustallam
  • Ietjá fágalasj åvddånahttem Sámedikke giellafágalasj vuorodimijn

Virggáj máhtti aj biejaduvvat ietjá dahkamusá ma gulluji Sámedikke doajmmaj.
Virgen viertti aj mannat.

Máhttogájbbádusá 

Virggáj gájbbeduvvá bachelordásse jali muodugasj, valla binnemusát 3 jage guoskavasj barggoåtsådallam mij máhttá viehkedit åhpadusgájbbádusá hárráj.

Dat gut virgáduvvá hæhttu máhttet sámegielav njálmálattjat ja dárogielav njálmálattja ja tjálalattjat. Tjálalasj máhtudahka sámegielan, ja máhtudahka julevsámegielan vuoroduvvá.

Duodden gájbbeduvvá máhtudahka sáme sebrudakvidjurij birra, sierraláhkáj le ájnas dåbddåt sebrudagáv ja gielladilev julevsámeguovlojn.

Duodden dættoduvvá:

  • Barggohárjjánibme ja vásádus giellaháldadimbargujn ja almulasj háldadimbargujn
  • Buorre guládallam- ja aktisasjbarggomáhtukvuohta
  • Tjálalasj ja njálmálasj åvddånbuktemmáhtukvuohta
  • Máhtukvuohta iesjrádálattjat ja ulmmelattjat barggat
  • Dievnastusmielajn barggat
  • Persåvnålasj dågålasjvuohta

Bálkká- ja barggogájbbádusá 

Virge bálkká l stáhta regulatijvaj milta, virggekåvddå 1408 vuostasjkonsulænnta jali 1434 rádevadde.

  • Bálkás gieseduvvá 2 % Stáhta pensjåvnnåkássaj
  • Buorre lådna- ja pensjåvnnåårniga Stáhta pensjåvnnåkássan
  • Sámedikke barggijn li hiebadahkes barggoájgge ja ietjá álkkádusårniga
  • Buorre barggobirás masi iesj la vájkkudime

Sámedikke háldadus galggá buoremus láhkáj álmmuga moattevuodav gåvvit. Barggijpolitihkalasj ulmme l jåksåt jæbddásasj áldar- ja sjiervvedilev barggosajen, ja åttjudit ulmutjijt unneplåhko- ja álggoálmmukduogátjijn. Sámedigge oassálasstá stáhtasebrudahttembargon, gånnå ulmme le oadtjot daj gænna la boarkka CV’an jali doajmmagássjelisvuodajt bargguj.

Sámedikken la Sebradahtte Barggoiellem/ Inkluderende Arbeidsliv (SB/IA) ja galggá buorre barggodilijt láhtjet juohkka avta virgálattjaj.

Virgálattja gudi årru Finnmárkon ja Nuortta-Tråmsån oadtju oahppolåna árvov vuoledit 10 % jahkáj 25.000 kr rádjáj ja duodden oadtju værrogessusav.

Ietján biejaduvvá bargge virggáj dábálasj lágaj, njuolgadusáj ja sjiehtadusáj milta, dán vuolen bálkká ja pensjåvnnå - duodden 6 máno gæhttjalimájgge.

Guládallam

Ienep diedojt dán virge birra oattjo jus váldá aktijvuodav:

Åhtsåmus

Åhtsåmus aktan oahppo- ja barggoduodastusáj sáddiduvvá elektråvnålattjat sválldasa baktu dán bielen ”Åtså virggáj".

Åhtsåmájggemiere maŋŋela almoduvvá almulasj åhttselissta. Almulasj § 25 lága milta máhtti diedo åhttse birra almoduvvat juska åhttse ij sidá namás åhttselisstaj.

Åtså virggáj

Åhtsåmájggemierre

07.02.2021