Alit oahpahus ja dutkan

Sámedikki mihttomearri alit oahpu ja dutkanpolitihkas ahte suorgi lea mielde buktimin dárbbašlaš kapasitehta ja gelbbolašvuođa dan ovdáneapmái maid Sámediggi háliida sámi servodahkii. Servodat mii láhčá saji dasa ahte vuhtiiváldit, ovdánahttit ja geavahit máhtu lea bures ráhkkanan ođasmahttimii ja iešguđet hástalusaid hálddašeapmái. Máhttobuvttadeapmi lea siskkilduvvon oassi servodagas ja servodatovdáneamis. Alit oahppu ja dutkan guoská buot servodatsurggiide ja lea juohke olbmo eallima oassin. Suorgi lea mielde buktimin servodatlaš integrašuvnna, ovdánahttima, dábálaš čuvgejumi ja almmolaš oaivilhábmema.