Oahppo- ja dutkandárbbut

Oahppo- ja dutkandárbbut

Sámediggi bargá dan ala ahte fálaldagat ja doaimmat alit oahpus ja dutkamis gokčet sámi servodaga gelbbolašvuođa- ja máhttodárbbu.

Oahppu:

Sámedikkis gulahallá oahppoásahusaiguin fálaldagaid birra alit oahpus. Sámi buohccidivššároahppu, maid Sámi allaskuvla ja UiT Norgga árktalaš universitehta ásahit 2021:s, lea gulahallama boađus guoskevaš oahppoásahusaiguin ja Máhttodepartemeanttain.

Sámediggi lea observatevran UHR-Samisk forumis, mii lea nationála ovttastahttinarena miellahttoásahusaide mat fállet sámi alit oahpu. UHR-Samisk nammaduvvui maŋŋá konsultašuvnnaid Máhttodepartemeanttain, ja lea Universitets- og høyskolerådet (UHR) ovttadat. UHR lea UHR-Samisk čállingoddi.

Sámediggi lea maid observatevran UHR-lærerutdanningen arenas, man bargun lea ovttastahttit ja nannet oahpu ja dutkama kvalitehta Norgga oahpaheaddjioahpus.

Nasjonalt forum for lærerutdanning og profesjonsutvikling lea ásahuvvon áigumušain čuovvulit Lærerutdanning 2025 strategiija. Sámediggi lea observatevran forumis.

Dutkan:

Mii váillahit dutkama sámi servodahkii guoski áššiin buot servodatsurggiin mat sáhtášedje leat politihkalaš mearrádusaid máhttovuođu oassin.

Sámediggedieđáhusas alit oahpu ja dutkama birra 2016 leat čujuhan iešguđet surggiide gos Sámediggi oaivvilda ahte dutkamii lea dárbu.

Sámediggi lea observatevran Norgga dutkanráđi (NFR) sámi dutkama prográmmastivrras (SAMISK III). Prográmma bajit mihttomearri lea sámi dutkama nannet, sihke kvantitehta ja dieđalaš kvalitehta dáfus.

Loga eambbo Norgga dutkanráđi sámi dutkama birra dás.

Sámediggi lea konsulteren Norgga dutkanráđiin miellahtuid birra dutkanráđi porteføljestivrraide ja sámi dutkama prográmma saji birra porteføljestivrrain. Šadde ovttaoaivilii čuovvovaš miellahtuid ektui proteføljestivrraide;

Camilla Brattland, UiT Norgga árktalaš universitehta, Klima og polar porteføljestivrii, Ellen Inga Turi, Sámi allaskuvla, Velferd, kultur og samfunn porteføljestivii, ja Torjer A. Olsen, UiT Norgga árktalaš universitehta, Utdanning og kompetanse porteføljestivrii. Šadde maid ovttaoaivilii das ahte dutkanjprográmma SAMISK III prográmmastivra jotkojuvvo stivrenjoavkun NFR stivrra vuolde. Dát ortnet árvvoštallojuvvo ođđasis go prográmmastivrra nammadanáigodat nohká 31.12.21.

Miellahtut maid Sámediggi lei evttohan regiovnnalaš dutkanráđiid foandastivrraide Trøndelágas ja Norlánddas leat nammaduvvon. Norlándda foandastivrii lea Astrid Dankertsen nammaduvvon 2020-2024 áigodahkii. Loga eambbo RFF Nordland birra.

Trøndelága foandastivrii lea Birgitta Fossum nammaduvvon ja Sigbjørn Dunfjeld várrelahttun 2020-2023 áigodahkii. Loga eambbo RFF Trøndelag birra.