Sámi perspektiivva implementeren alit ohppui ja dutkamii

Sámi perspektiivva implementeren alit ohppui ja dutkamii

Sámedikki mihttomearri lea ahte sámi perspektiiva implementerejuvvo relevánta oahpuide áigumušain gokčat sámi servodaga gelbbolašvuođadárbbuid.

Sámediggi gieđahalai juovlamánus 2019 ášši Profešuvdnaoahput ­– sámi sisdoalu implementeren ja rekrutteren dusten dihte sámi servodaga gelbbolašvuođadárbbu. Sámedikki mihttomearri lea ahte sámi perspektiiva implementerejuvvo relevánta oahpuide áigumušain gokčat sámi servodaga gelbbolašvuođadárbbuid. Danne leat čađahan máŋga konsultašuvdnaproseassa alit oahpu rámmaplánaid ja nášuvnnalaš njuolggadusaid láhkaásahusaid birra.

Dán rádjái lea leamaš sáhka oahpaheaddjioahpuid ja dearvvašvuođa- ja sosiálafágaoahpuid birra, mat buohkat leat konsultašuvnnaid bokte ráđđehusain ožžon sámi sisdoalu.

Sámediggi bargá dan ala ahte ráđđehusa stivrendokumeanttain oahppoásahusaide galgá leat gohččun sámi sisdoalu implementeret, rámmaplánaid ja nášuvnnalaš njuolggadusaid láhkaásahusa mielde. Lassin dasa Sámediggi áigu gulahallamiin oahppoásahusaiguin ásahusaid dahkat dihtomielalažžan sin geatnegasvuođas sámi sisdoalu institušonaliseremis profešuvdnaoahpuide.