Gierdavašvuohta olbmuide geain leat fuones doaibmanávccat

Gierdavašvuohta olbmuide geain leat fuones doaibmanávccat

Sámedikki mihttomearrin lea váikkuhit dásseárvvu ja eastadit doaibmanávccahis olbmuid vealaheami. Sámediggi háliida bidjat erenoamáš fokusa doaibmanávccahis sámiid ektui.  

Dát fágasuorgi lea leamaš unnán fokusis. Maŋimuš áiggiid lea dát dattetge boahtán beaiveortnegii raporttaid bokte doaibmanávccahis sámiid dili birra. 

Fuones doaibmanákcan lohkkojuvvojit goruda oasit dahje muhtun goruda psykologalaš, fysiologalaš dahje biologalaš doaimma massin, vihki dahje earálaganvuohta. Muhtumat leat riegádan doaibmanávccahisvuođain, ja earát fas ožžot doaibmanávccahisvuođa dávdda dahje vigi geažil maŋŋelis eallimis. 

Sámediggeráđi dásseárvopolitihkalaš čilgehus doaibmahehttehusa birra (PDF, 712 kB)

Stáhtus:

Ođđaset dutkama vuođul sáhttá čájehit ahte muhtun daoibmanávccahis sámit otnáš nammii eai oaččo vejolašvuođa iežasšt gillii ja kultuvrii, go čujuhuvvo ahte ii leat kapasitehta oahppat guokte giela. Dán geažil eai sáhte buohkat válljet sámegiela vuosttašgiellan. 

Doaibmanávccahis sámit gillájit maiddái ollu givssideami, vaššicealkámušaid, veahkaválddi, vearredaguid, ožžot hástalusaid psykalaš dearvvašvuođain, ja vailu máhttu ja gelbbolašvuohta movt eastadit, fuomášit ja čuovvulit dán lágan hástalusaid. 

Strategiijat:

  • Váikkuhit stuorát rabasvuođa doaibmanávccahisvuođa birra miellaguottuid duddjojeaddji barggu bokte.
  • Bidjat erenoamáš fokusa doaibmanávccahisvuođa ektui sámi oahppoplánaid ráhkadeami oktvuođas.
  • Ovddidit ođđaáigásaš sámi terminologiija doaibmanávccahisvuođa birra.
  • Váikkuhit eanet demokráhtalaš searvama doaibmanávccahis olbmuid ektui Sámedikki válgaráhkkaneaddji barggu bokte.