Sámegielaid registreren Álbmotregistarii

Sámegielaid registreren Álbmotregistarii

Álbmotregistarii lea vejolašvuohta registreret sámegiela gelbbolašvuođa.

Jus humat, čálát ja/dahje logat ovtta dahje máŋga dáin sámegielain: davvisámegiela, julevsámegiela ja lullisámegiela, sáhtát dán registreret Álbmotregistaris. Jus máhtát máŋga sámegiela, sáhtát bidjat máŋga ruossa. Lea eaktodáhtolaš registreret gielaid.

Ulbmil registreremiin lea sáhttit ráhkadit statistihka mas leat sámegiela geavaheaddjit. Dán ulbmila duogáš lea suddjet ja áimmahuššat sámegiela áitojuvvon giellan. Go Álbmotregistaris fállojuvvo diehtovuođđu, sáhttá servodat dutkat giellaovdáneami ja dahkat doaibmabijuid mat ovddidit sámi kultuvrra ja giela.

Sámegiela gelbbolašvuođa sáhtát registreret Vearroetáhta neahttasiidduin.