Raastendåaresth maanagïerte- jïh skuvlelaavenjostoe

Raastendåaresth maanagïerte- jïh skuvlelaavenjostoe

Saemien parlamentarihkeles raerie (SPR) nænnoesti aamhtesisnie 07/06, SPR:n aajkoe lea noerhtelaanti daltesisnie edtja aktem ektie ulmiem hammoedidh saemien lïerehtæmman, ektie learoesoejkesjh jïh learoevierhtieh mejtie maahta laanteraasti rastah nuhtjedh.

BildeKlikkForStorVersjonProsjekte raastendåaresth skuvlelaavenjostoen bïjre "Rájáhis sámeoahpahus" orriji goeven 2019 jïh reektehtse dorjesovvi prosjekten bïjre.

Åejvieulmie reektehtsinie lea damtijidh jïh dååjrehtimmie jïh nuepieh tjöönghkedh jïh lissine vuesiehtimmieh gaavnedh guktie skuvlh leah tjirrehtamme jïh guktie maahta lïerehtimmielaavenjostoem Saepmesne tjïrrehtidh.

Reektehtsisnie raeriestimmieh ovmessie råajvarimmiej bïjre, jïh Saemiedigkieraerie sæjhta gaskem jeatjah råajvarimmiem bæjjese fulkedh mah leah saemien lïeremeplakaaten/bæjhkoehtimmien/manifeesten bïjre.

Saemien maanah jïh noerh abpe Saepmesne edtjieh reaktam utnedh lïerehtæmman saemiengïelesne jïh/jallh saemien gïelelïerehtimmiem utnedh. Saemieh akte åålmege jïh laanteraasth eah edtjh heaptojne årrodh guktie mijjieh maehtebe mijjen kultuvrem, gïelem jïh mijjen jieledevuekiem nuhtjedh jïh evtiedidh.

Saemiedigkie edtja noerhtelaanti barkoedåehkiem nammoehtidh mij edtja mandaatem utnedh raeriestimmieh buektedh akten ektiesaemien bæjhkoehtæmman saemien lïerehtimmien bïjre Saemien parlamentarihkeles raaran (SPR).

Lohkh reektehtsem “Rájáhis sámeoahpahus/grenseløs samiskopplæring" (PDF, 4 MB)