Jåartaburrie

Jåartaburrie

Jåartaburrie joekoen vihkeles råållam åtna juktie jielije voenh jïh saemien kultuvrem evtiedidh. Saemiedigkie sæjhta jåartaburriem vaarjelidh jïh evtiedidh goh vihkeles kultuvreguedtije jïh fasseldæjja.

Jielije voenh bööremes tjirkeme juktie saemien kultuvrem jïh gïelem gorredidh jïh evtiedidh. Saemien jåartaburrie lea jearohke nöörjen åejvieladtjh aktem guhkies jïh daajroes jåartaburriepolitihkem utnieh. Jåartaburrie saemien dajvine geerve åtna  geervelaakan gaahtjedh dajvigujmie jeatjah bieline laanteste mah buerebe klijmam utnieh. Dan gaavhtan konsekvensh aktede bijjieproduksjovneste jeatjah lehkesne laantesne eah maehtieh jåartaburrieproduksjovnem saemien dajvine goerpedehtedh.

 

Jåartaburrie lea jieleme mejnie tjuara gïehtelidh desnie gusnie jåartaburrieareaale. Akte stoerre bielie årromedajveste saemien dajvine lea ektiedamme nuepide jåartaburrine gïehtelidh. Lissine vihkeles årrodh almetjidie mah desnie årroeh, jåartaburrien aarvoesjugniedimmie aaj vihkeles saemien dajvide. Produksjovne jåartaburriedorjesijstie aaj lissie-effekth sjugnede jeatjah siebriedahkesne. Goh aarvoesjugniedimmie leekedimmiesijjine, meejerijine, maasjinadeallahtæjjaj jïh foeresjimmiesuerkien luvnie jnv.

Betnieproduksjovnh saemien jåartaburresne lea mielhkieproduksjovne jïh sïrvh. Romsesne gaajhtse vihkeles naan voenide. Saemien dajvine naan ïentjh utnieh mah eah leah åtnosne daan biejjien, men gåarede dejtie aelhkieslaakan nuhtjedh dejstie mah joe gaertieninie gïehtelieh.

Saemiedigkie raeriestimmieh buakta jåartaburrielatjkose fïerhten jaepien. Saemiedigkien stoerretjåanghkoe dam gïetede åvtelen rååresjimmiejgujmie aalka.

Daesnie raeriestimmie 2020 Saemiedigkien raeriestimmie jåartaburrierååresjimmide 2020 (PDF, 442 kB)

Jåarhkeevtiedimmie beapmoste, beapmoedååjresh jïh arktiske laanteburrie leah akte dejstie suerkijste maam Saemiedigkie prioriterede. Daejnie produksjovnine gåarede aarvoesjugniedimmiem vielie lissiehtidh.