Marijne jielemh

Marijne jielemh

Mearoesaemien kultuvre fjovle- jïh mearoegaedtiegöölemem våaroeminie åtna, dovne goh jieliemasse oktegh, men aaj jeatjah jielemigujmie ektine. Gööleme fjovline jïh mearoegaedtiej mietie, goh materijelle kultuvrevåarome, leah eevre daerpies jis almetjh edtjieh årrodh jïh fasseldimmiem utnedh voenges siebriedahkine mearoegaedtien mietie.

Saemiedigkien politihke marijne jielemi sisnjeli lea gellie jaepie orreme saemiej göölemereaktah gorredidh.
Saemiedigkie stoerre vierhtieh nuhtjeme göölemepolitihkem evtiedidh mestie gåarede gööledh voenges sijjine. Daate dorjesovveme akten eensi reeremen tjïrrh dejstie marijne vierhtijste, viehkine årroji ektie reaktavåaromem nænnoestidh jïh dåarjoevierhtiej tjïrrh. Saemiedigkie annje barka akten nænnoesåbpoe gårreldimmien åvteste reeremisnie guelievierhtijste. Destie göölijh edtjieh stuerebe faamoem jïh baajnehtimmiefaamoem åadtjodh gosse edtja vierhtieåtnoem nænnoestidh.

Saemiedigkie ahkedh barka ihke årrojh jïh göölijh mearoesaemien dajvine åadtjoeh sijjen reaktam nuhtjedh mejtie åådtjeme guhkies åtnoen jïh provhken tjïrrh, göölemasse jïh åtnose dejstie marijne vierhtijste sijjen dajvine. Dan sisnie aaj reaktah mearoeloesegöölemasse. Reakta dejnie ovmessie gööleminie edtja namhtah årrodh jïh dan stoerre guktie gåarede destie jieledh, jïh dan tjïrrh aaj orre göölijidie sjïehteladtedh.

Saemiedigkie lea barkoem prioriteradamme juktie raerieh gaavnedh mah maehtieh viehkiehtidh daam reaktam gorredidh.

Fïerhten jaepien budsjedti tjïrrh Saemiedigkie vierhkievierhtieh marijne jieliemidie lyjke. Dåarjoem vedtedh skåårvemidie göölemevïnhtside, voenges dåastoehtimmiesijjieh orrestidh jïh viehkiehtidh dorjesh marijne jielemen sisnjelen evtiedidh, Saemiedigkie viehkehte göölemebyjresh tjåadtjoehtidh jïh nænnoestidh saemien mearoegaedtie- jïh fjovlesiebriedahkine.

Lohkh Saemiedigkien fïerhtenjaepien aamhtesem göölemen bïjre daesnie:

Jaepien 2019