Saemien fealadasse

Saemien fealadasse

Saemiedigkie saemien fealadassem tjïelkeste goh fealadasse gusnie saemien kultuvrebiehkieh leah åejviebiehkie barkosne. Juktie maehtedh dåarjoen bïjre syökedh saemien fealadassese tjuara daam tjïelkestimmiem illedh, jïh jis maahta, dellie sïelth abpe laanteste maehtieh syökedh.

Saemiedigkie gellie abpejaepien fealadassesïelth sæjhta mah saemien kultuvrem åehpiedehtieh naemhtie guktie mijjieh saemieh jïjtjemem damtijibie. Saemien fealadassejieliemisnie gellie smaave sïelth, daamtaj aktegsaajhteresïelth, gusnie aajhterh daamtaj jeatjah barkoem baalte utnieh. Jeenjesh dejstie mah saemien fealadassine gïehtelieh dajvine årroeh, guhkede girtiesijjeste jih guhkede destie sijjeste gusnie Hurtigruten-skïhpe sealkoe. Daate såemies lissie haestemh vadta mejtie ibie tjoerh åajaldidh.


Saemien kultuvre lea joekoen åajvoeh jih lea jarngesne Gaske- jïh Noerhte-Nöörjesne jïh mijjieh tjoerebe hoksedh jienebh dam saemien kultuvrem nuhtjieh, jïh guktie mijjieh saemieh damtijibie dam maam åehpiedehtieh. Tjoerebe vuekieh gaavnedh mijjen kultuvrem åehpiedehtedh, jïh daesnie akte stoerre nuepie mijjen mïelen mietie. Goerehtimmieh gidtjh vuesiehtieh aerpievuekien kultuvreåehpiedehteme maahta aktelaaketje jïh vaenie sjyöhtehke vååjnedh jïh ij ïedtjem gåaskoeh.

Juktie lyhkesidh abpejaepien, fryöjstehte jïh nænnoes dååjresedorjesh jïh –konsepth evtiedidh, tjuara sïelth jïh destinasjovnh joekehtehtedh jïh dååjresebaseradamme fealadasse tjuara profesjovnine dorjesovvedh. Daate faamosne abpe Nöörjesne, Noerhte-Nöörjesne jïh saemien siebriedahkine.