Prosjekte Árbediehtu (Aerpiedaajroe)

Prosjekte Árbediehtu (Aerpiedaajroe)

Saemiedigkie barkoedåehkiem aerpievuekien daajrose nammoehti 2019.

Barkoedåehkien lïhtsegh

Åvtehke: Anne-May Olli, RiddoDuottarMuseat 
Mubpieåvtehke Harrieth Aira, Árran
Dåehkien jeatjah lïhtsegh:
Kjellaug Isaksen, Noerhtelaanti åålmegejarnge
Solveig Joks, Saemien jïlleskuvle
Svanhild Andersen, Mearrasiida

Ulmie lea aerpiedaajroe daajroesysteemine åtnasåvva jeatjah daajroen baalte. Saemiedigkie lea akte gellijste aktöörijste mah dïedtem utnieh aerpiedaajroen sisnjelen, jih sjïere dïedtem åtna goh saemien byjjesfaamoe.

Barkoedåehkiem tseegkedh lea dam aarebi barkoem aerpiedaajrojne jåerhkedh mij vuesiehti daerpies soptsestalleminie institusjovnh gaskemsh mah aerpiedaajroem sijjen barkoesuerkesne utnieh.

Barkoedåehkie edtja sov reektehtsem Saemiedigkieraaran deelledh njoktjen 19.b. 2021 åvtelen.

Barkoedåehkien mandaate

Aerpiedaajroen barkoedåehkie edtja raeriestimmine båetedh akten båetijen aejkien reeremen bïjre aerpiedaajroste. Barkoedåehkie edtja gaskem jeatjah aktem båetijen aejkien öörnemem aerpiedaajroste jih dej ovmessie aktööri råållah jih dïedtem raeriestidh. Barkoedåehkie edtja aaj ovmessie finansijeradimmieöörnegh raeriestidh dan båetijen aejkien reeremasse. Våaroemasse bïejesåvva barkoedåehkie sjyöhtehke aktöörigujmie soptsestalla Aerpiedaajroen sisnjelen. Saemiedigkieraerien reektestimmie goevten 2016 lea akte dejstie våaroemijstie dåehkien barkose.

Sametingsrådets redegjørelse om Árbediehtu (PDF, 345 kB)