Dáidda- ja kulturdoaimmaheapmi

Dáidda- ja kulturdoaimmaheapmi

Sámedikki ovddasvástádus sámi dáidaga ovdanáhttimis lea fuolahit ahte sámi dáiddáriin leat buorit ja einnostanvejolaš rámmaeavttut doaibmaseaset.

Sámediggi galgá láhčit diliid nu ahte mis lea máŋggabealat sámi kultureallin seammás go mii láhčit dili nu ahte kultureallimis maid lea profešunalitehta ja kvaliteahta. Mii galgat láhčit dili sámi árbevieruide ja ovdanbuktimii, seammás go láhčit dili sámi dálááiggedáidagii.

Sámedikki deháleamos váikkuhangaskaoamit dán barggus leat min ekonomalaš váikkuhangaskoamit, muhto  mis lea maid vejolašvuohta váikkuhit go gulahallat, doallat oktavuođa ja ovttasbargat eará almmolaš eiseválddiiguin..

Sámedikkis lea ohcanvuđot doarjaga kulturdoaibmamii, sáhttá ohcat  gaskaomiid girjjálašvuhtii mii lea sámegillii, sámi musihkkii, govvaráidduide mat leat sámegillii, sámi lágádusaide ja kulturdoaibmamii. Dáiddáršiehtadus lea ovttasbargošiehtadus maid Sámediggi lea šiehttan Sámi Dáiddárráđiin ( SDR:iin). 

Loga sámediggedieđáhusa sámi kulturásahusaid birra (PDF, 330 kB)

Loga sámediggeráđi čilgehusa luođi ja sámi musihka birra 2019 (PDF, 817 kB)

Loga sámi vuoiŋŋalaš kulturárbbi ja UNESCO-konvenšuvdna vuoiŋŋalaš kulturárbbi suodjaleami birra - čuovvoleapmi ja vejolašvuođat (PDF, 416 kB)