Luhpie Saemiedigkien tjaatsegidie

Luhpie Saemiedigkien tjaatsegidie

Njoelkedassh luhpien bïjre tjaatsegidie vuartasjidh uvtemes byögkelesvoetelaakesne gååvnesieh. Åejvienjoelkedassi mietie aamhtesetjaatsegh byögkeles. Gaajhkh mijjen tjaatsegh leah dan åvteste byögkeles mah eah leah byögkelesvoeteste geerestamme, byögkelesvoetelaaken mietie. Gaajhkh prievieh jïh tjaatsegh mah mijjese båetieh, jïh gaajhkh tjaatsegh mejtie olkese seedtebe, edtjieh dan åvteste Saemiedigkien påastelæstose tjaalasovvedh.

 

Ohtsh tjaatsegh

 

Ohtsh aamhtesh

 

Vuartesjh tjåanghkoetjaatsegh

 

Påastelæstoe

 

Raaktan daelie ij gåaredh aamhtesi mietie syökedh tjåanghkoetjaatseginie. Jis datne tjåanghkoetjaatsegh ohtsedh tjoerh sjyöhtehke moenehtsem jïh tjåanghkoem veeljedh. Dellie sïjhth bijjieguvviem åadtjodh aamhtesi bijjeli mah lin tjåanghkosne, jïh tjåanghkoegærjam tjåanghkoste.

Gosse åhtsa dellie raaktan daelie ajve illedahkh mijjen påastelæstoste båetieh. Amma mijjen tjaatsegh mah sïjse jïh olkese båetieh. Gosse påastelæstosne syökoe maahta ajve dan sjyöhtehke daatosne syökedh maam veeljeme, gosse aamhtesinie syökoe dellie illedahkh våarhkoeaamhtesinie sjidtieh (maabpah). Jis datne aktegstjaatsegh sïjhth juvnehtibie tjaatsegi mietie syökedh - daesnie illedahke sæjhta mijjen tjaatsegh årrodh mah sïjse jïh olkese båetieh.

Påastelæstoem jïh tjaatsegh bæjhkoehtibie golme barkoebiejjiej mænngan, jïh sijhtieh nedtesne årrodh göökte jaepieh. Tjåanghkoeaamhtesh sijhtieh iktesth gååvnesidh.

Gaajhkesh maehtieh luhpiem krïevedh aamhtesetjaatsegh jïh journaalh vuejnedh. Seedth gyhtjelassh luhpien bïjre diekie: samediggi@samediggi.no jallh ringkh tell. +47 78 47 40 00.