Maanagïerteprosjekte Saemien maanah orre ektietjiehtjielinie (SáMOS)

Maanagïerteprosjekte Saemien maanah orre ektietjiehtjielinie (SáMOS)

Prosjekte Saemien maanah orre ektietjiehtjielinie edtja vïjhtine jaepine jarkelimmiem sjugniedidh saemien maanagïertestruktuvresne mij saemien filosofijem jïh aerpievuekien daajroem våaroeminie åtna.

Daate sæjhta jiehtedh saemien maanagïerth edtjieh maehtedh saemien pedagogeles vuekiej mietie barkedh mah saemien gïelem, kultuvrem jïh aerpievuekien daajroem jarngesne utnieh jïh leah dan daajbaaletje saemien siebriedahkese sjïehtedamme.

Edtja tjåanghkoeh jïh seminaarh dotkijigujmie jïh universiteetigujmie tjïrrehtidh juktie juhteles saemien vuekieh damtijidh saemien kultuvren jïh filosofijen, gïelen jïh aerpievuekien daajroen mietie.

Pilotemaanagïerth ovmessie saemien dajvijste olkese veeljesuvvieh juktie saemien maanagïerten båetijem aejkiem hammoedidh. Gaajhkh maanagïerth jïh gaajhkh pedagogh edtjieh joekehtslaakan eadtjaldovvedh dovne maahtoeevtiedimmien tjïrrh jïh eadtjohkelaakan meatan årrodh sijjen daajrojne.

Saemien maanah orre ektietjiehtjielinie edtja abpe Saepmesne barkedh dan gaavhtan prosjekte lea meatan Saemien parlamentarihkeles raerien dahkoesoejkesjisnie. Saemiedigkieh sveerjen jïh såevmien bielesne leah Interreg-vierhtieh ohtsedeminie juktie maehtedh meatan årrodh prosjektesne.

Sametinget har i forbindelse med prosjektet utgitt boka Maanaj gaavhtan/Mánáj diehti/Unna olbmožiid dihte/Med tanke på barna, og SáMOS-sekken, og deler ut disse gratis til barnehagene. Les mer om det her.

Prosjektesaetniesvoeth:

Prosjekte jåhta vïjhte jaepieh voerhtjen 2018 raejeste

Saemiedigkie lea prosjekten aajhtere

Prosjektedåehkie:

Prosjekten åvtehke Ol-Johán Sikku
Anna Kristine Skum Hætta jïh Anne Jannok Eira, prosjekten meatanbarkijh
Gudrun Kuhmunen jïh Anne Ingebjørg Eriksen, faageles tjiehpijh

Dov leah gyhtjelassh?

Ol Johan Sikku
Prosjekteåejvie SáMOS
Epost
Telefon 78 48 42 04