Laakh mah leah saemien skïemtjiji reaktaj bïjre

Laakh mah leah saemien skïemtjiji reaktaj bïjre

Saemien skïemtjijh reaktah utnieh nasjonaale laaki jïh gaskenasjonaale konvensjovni tjïrrh

Saemielaaken § 3-5 reaktah vadta årroejidie saemien reeremedajven sisnjelen saemien nuhtjedh juktie jïjtsh ïedtjh gorredidh voenges jïh regijonaale byögkeles healsoe- jïh sosijaaleinstitusjovnigujmie, jïh reaktam utnieh viehkiem åadtjodh saemiengïelesne. Seammalaakan Skïemtjijereaktalaaken § 3-5 tjïerteste skïemtjijh krïevenassem åtna bïevnesh åadtjodh mah leah sjïehtedamme dåastojen jïjtse tsiehkide, goh aaltere, geervevoete, dååjrehtimmie jïh kultuvre- jïh gïelemaadtoe. OT.prp. nr 12 tjïerteste reaktan gaavhtan bïevnesh åadtjodh, mah leah fïerhten skïemtjijen sjïere daerpiesvoetese sjïehtedamme, byöroe toelhkem skååffedh saamastallije skïemtjijidie, jallh skïemtjijh byöroeh viehkiem åadtjodh saamastallije healsoebarkijijstie gosse daerpies ihke skïemtjije edtja maehtedh bïevnesh åadtjodh mah leah laaken krïevenassi mietie.  .

Vuesehte aaj ILO-konvensjovnese nr 169 aalkoeåålmegi jïh krirrieåålmegi bïjre jïjtjeraarehke staatine. EN:n konvensjovne maanaj reaktaj bïjre jïh EN:n bæjhkoehtimmie aalkoeåålmegi reaktaj bïjre. ILO-konvensjovne artihkele 25 gorrede saemiej lea reakta meatan årrodh dejtie sjyöhtehke healsoefaalenasside hammoedidh, jïh vihteste saemien utniji reaktam hijven healsoedïenesjh åadtjodh.

Jeatjah laakh mah leah saemien skïemtjiji reaktaj bïjre

Laake Saemiedigkien bijre jïh jeatjah saemien reaktatsiehkiej bïjre (saemielaake)
§ 3-5. Vijriedamme reakta saemien nuhtjedh healsoe- jïh sosijaalesuerkesne

Laake tjïelten healsoe- jïh hoksedïenesji bïjre jïh vielie (healsoe- jïh hoksedïenesjelaake)
§ 3-10. Skïemtjiji jïh utniji baajnehtimmiem jïh laavenjostoem jïjtjevyljehke siebriejgujmie

Laake skïemtjije- jïh utnijereaktaj bïjre (skïemtjije- jïh utnijereaktalaake)
§ 3-5. Bïevnesen hammoe