Lágat mat válddahit sámi buhcciid vuoigatvuođaid

Lágat mat válddahit sámi buhcciid vuoigatvuođaid

Sámi pasieanttain leat vuoigatvuođat nationála lágaid ja riikkaidgaskasaš konvenšuvnnaid bokte.

Sámi hálddašanguovllu ássiin lea Sámelága § 3-5 bokte vuoigatvuohta geavahit sámegiela go ovddidit iežaset áššiid báikkálaš ja regionála almmolaš dearvvašvuođa- ja sosiálaásahusaide, ja oažžut bálvalusaid sámegillii. Maiddái Pasieantavuoigatvuođalágas § 3-5 čuožžu ahte pasieanttain lea vuoigatvuohta oažžut dieđuid mat leat heivehuvvon sin individuála eavttuide, nugo ahki, rávisvuohta, hárjáneapmi ja kultur- ja gielladuogáš. Od.prp nr. 12 dárkkuha ahte vuoigatvuohta oažžut dieđuid mat leat heivehuvvon ovttaskas pasieanta individuála dárbbuide, cealká ahte sámi pasieanttaid gieđahallamis berre viežžat dulkka, dahje ahte sámegielat dearvvašvuođabargit gieđahallet daid pasieanttaid go dat lea dárbu vai pasieanta oažžu daid dieđuid maid lágat geatnegahttet.

Dasto čujuhit ILO-konvenšuvdnii nr. 169 álgoálbmogiid ja čearddalaš álbmogiid birra iešmearrideaddji riikkain, FN konvenšuvdnii mánáid vuoigatvuođaid birra ja ON julggaštussii álgoálbmotvuoigatvuođaid birra. ILO-konvenšuvdna artihkal 25 sihkkarastá sápmelaččaide vuoigatvuođa searvat áigeguovdilis dearvvasvuođabálvalusa hábmemii ja nanne sámi geavaheddjiid vuoigatvuođa dohkálaš dearvvasvuođabálvalusaide

Eará lágat mat guoskkahit sámi pasieanttaid vuoigatvuođaid

Láhka Sámedikki ja eará sámi vuoigatvuođaid birra (Sámeláhka)
§ 3-5. Viddiduvvon vuoigatvuohta atnit sámegiela dearvvasvuođa- ja sosiálasuorggis

Láhka suohkaniid dearvvašvuođa- ja fuolahusbálvalusaid j.e. birra (dearvvašvuođa- ja fuolahusbálvalusláhka)
§ 3-10. Pasienters og brukeres innflytelse og samarbeid med frivillige organisasjoner (pasieanttaid ja geavaheddjiid mielmearrideapmi ja ovttasbargu eaktodáhtolaš organisašuvnnaiguin)

Láhka pasieanttaid ja geavaheddjiid vuoigatvuođaid birra (pasieanta- ja geavaheaddjivuoigatvuođaláhka)
§ 3-5. Informasjonens form (diehtojuohkima hápmi)