2-jagi prošeaktavirgi - Vistegáhtten

2-jagi prošeaktavirgi - Vistegáhtten

Sámedikki kulturmuitto, areála ja birasossodagas lea rabas prošeaktavirgi vistegáhtten, seailluhan ja kultureanadat- juhkosis. Ohcanáigemearri: 10.08.21.

Álgin lea farggamusat ja lea guovtti jahkái.

Bargosadji lea muhtun Sámedikki kánturbáikkiin gos lea guoros sadji.

Ovddasvástádussuorgi

Juhkosis lea ovddasvástádus gáhttet visttiid ja hálddaha sullii 900 automáhtalaš ráfáiduvvon vistti olles Norggas. Visttit leat ráfáiduvvon maŋemus 10 jagis ja vistte-eaiggádiin lea stuora dárbu diehtojuohkimii gáhttenárvvus, čuovvoleami ja bagadeami doarjjaortnegiid, sierralobiid ja bajásdoallama birra antikváralaš vuođđojurddašemiin. Eaiggádat dárbbašit gelbbolaš giehtaduojáriid visttedivodemiide, ja danne Sámediggi veahkeha doaimmaiguin mat nannejit ja ovddidit gelbbolaš giehtaduojáriid visot guovlluide. Sámediggi ságasta ja ovttasbargá eará gáhtteneiseválddiiguin oktasaš hástalusaid ja áŋgiruššamiid birra huksengáhttemis.  

Virgi galgá bajábeale namuhuvvon bargguiguin váikkuhit sámi visttegáhttema álggaheapmái, mii lea mearrediđolaš ja lea vuođđuduvvon ságastallamii. Virgi bargá njuovžilit vistegáhttenbargguid juhkosis ja ovttasbargá eará juhkosiin ossodagas, eará áššáiguoskevaš ossodagain Sámedikki hálddahusas ja olggobeale ovttasbargoguimmiiguin ja guovddáš kulturmuitoeisseválddiiguin.

Barggut

Virggi váldobarggut:

  • Ráfáiduvvon visttiid eaiggádiid rávvet
  • Diehtojuohkin sámi visttiid gáhttenárvvus ja bajásdoallama birra
  • Doarjagiid- ja sierralobiohcamiid áššemeannudeapmái váikkuhit
  • Ovddidit sámi vistegáhttema
  • Ságastit kulturmuitoeisseválddiiguin ja áššáiguoskevaš ovttasbargoguimmiiguin
  • Kulttormuitto- diehtovuođu Askeladdena geavahit

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái háliidat olbmo geas lea relevánta alitoahppu master-/ váldofágadásis arkitektuvrras, kulttormuitosuodjalusas, kulttorhistorjjás dahje sullasaš fágain.

Arkitekturfágalaš gelbbolašvuohta ja hárjáneapmi nuppástuvvamiin ja heivehemiin eará geavaheapmái deattuhuvvo eatnat. Gelbbolašvuohta sámi visttegáhttemis ja divvunbarggus antikváralaš vuođđojurdagiin, dovdat ráfáiduhttinhistorihkka, máhttu sámi huksenbirrasa ja muđui sámi servvodaga birra deattuhuvvo garrasit prošeaktavirggi virgádeamis. Gelbbolašvuođa háhkan guoskevaš giehtaduodjái deattuhuvvo. Mii maiddái deattuhit sihke njálmmálaš ja čálalaš sámegielgelbbolašvuođa.

Lea buorre jus dovdá Kulttormuitto- diehtovuođu Askeladdena.
Ohccis ferte biilavuodjinkoarta.

Muđui deattuhuvvo:

  • Bargovásáhusat kulturmuitohálddašeamis
  • Máhttu sámi servodatdiliid birra
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi dahje 1364 seniorráđđeaddi.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.

Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.

Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Ohcanáigemearri: 10.08.21

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Borgemánu 10. b. 2021

Geahča almmuheami jobbnorge.no siiddus