3-jagi prošeaktavirgi - Eastadit givssideami

3-jagi prošeaktavirgi - Eastadit givssideami

Sámedikki bajásšaddan- ja oahpahusossodagas lea rabas prošeaktavirgi bargat doaimmaiguin eastadit givssideami. Ohcanáigemearri: 10.08.21.

Álgin lea farggamusat ja lea golmma jahkái.

Bargosadji lea muhtun Sámedikki kánturbáikkiin gos lea guoros sadji.

Barggut

Virggi váldobarggut:

  • Čuovvulit ja meannudit áššiid mat gullet givssidaneastadanbargui.
  • Sámi mánáid rievttit.
  • Doarjjaortnet sámi mánáidgárddiide ja skuvllaide mii gieđahallá fáttá givssideami.
  • Ovttasbargat eará aktevrraiguin.
  • Koordineret konferánssaid/ kampánnjaid.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái háliidat olbmo geas lea alit oahppu allaskuvllas/universitehtas, unnimusat bachelordásis dahje sullasaš. Bargohárjáneapmi sullasaš bargguin ja máhttu ja diehtu givssideami birra deattuhuvvo.

Gáibidat máhtu sámegielas ja dárogielas, sihke njálmmálaččat ja čálalaččat.

Muđui deattuhuvvo:

  • Máhttu sámi servodatdiliid birra
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleantta dahje 1434 ráđđeaddi.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.

Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.

Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Ohcanáigemearri: 10.08.21.

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Borgemánu 10. b. 2021

Geahča almmuheami jobbnorge.no-siiddus