Alit oahpu- ja dutkanjuogus Sámedikkis ohcá ođđa bargoskihpáriid

Sámedikkis leat rabas guokte gelddolaš virggi alit oahpu- ja dutkanjuhkosis, mii bargá dehálaš fágasurggiin, okta virgi vuosttaškonsuleantan/ráđđeaddin ja okta virgi ráđđeaddin/seniorráđđeaddin.

Ohcanáigemearri: 16.06.2024.

Alit oahppu ja dutkan váikkuha máhtuin ja olmmošlaš resurssaiguin sámi servodaga ekonomalaš, kultuvrralaš ja sosiála ovdáneami. Juogus čuovvula alit oahpu ja dutkama áššesurggiid. Juhkosis lea maiddái ovddasvástádus čuovvolit politihkalaš mearrádusaid mat gullet fágasuorgái, ja bargá dan ala ahte oažžut sámi perspektiivva lágaide ja eará stivrendokumeanttaide.

Sámedikkis leat olu kánturbáikkit maid gaskkas sáhtát válljet, ja don sáhtát bargat kánturbáikkis gos leat guoros kántorlanjat. Juste dál leat mis guoros kánturlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Ájluovttas ja Romssas. Sámedikki bargit fertejit rehkenastit veahá mátkkoštit.

Loga eanet ráđđeaddi/seniorráđđeaddi virggi birra

Loga eanet vuosttaškonsuleanta/ráđđeaddi virggi birra