Áššemeannudeaddji - Boazodoalloáššit

Áššemeannudeaddji - Boazodoalloáššit

Sámedikki ealáhus-, kultur- ja dearvvašvuođaossodagas lea rabas bistevaš virgi áššemeannudeaddjin ealáhusjuhkosis. Ohcanáigemearri: 10.08.21.

Álgin farggamusat.

Bargosadji lea muhtun Sámedikki kánturbáikkiin gos lea sadji.

Barggut

Virggi váldobarggut leat čadnon Sámedikki boazodoallopolitihka ja Sámedikki dieđáhusa boazodoalu birra ovddideapmái ja čuovvuleapmái. Guovddáš doaibma virggis lea doallat oktavuođa ja gulahallat boazodoalloealáhusain, regionála ja guovddáš aktevrraiguin/eiseválddiiguin. Virgái gullá maiddái áššemeannudit Sámedikki váikkuhangaskaomiid, ja ovttasbargat áššiin mat gusket areálii, plánaáššiide ja vuoigatvuođaide.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái háliidit áinnas olbmo geas lea relevánta oahppu allaskuvllas/universitehtas bachelordásis dahje vástideaddji dásis. Mii deattuhit máhtu sámi servodatdiliid, ealáhusaid ja erenoamážit boazodoalu birra. Mii maiddái deattuhit sihke njálmmálaš ja čálalaš sámegielgelbbolašvuođa.

Muđui deattuhuvvo:

  • Hárjáneapmi almmolaš hálddašeamis
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleantta dahje 1434 ráđđeaddi.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.

Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.

Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Ohcanáigemearri: 10.08.21.

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Borgemánu 10. b. 2021

Geahča almmuheami jobbnorge.no-siiddus