Áššemeannudeaddji - Dearvvašvuohta, sosiála ja mánáidsuodjalus

Áššemeannudeaddji - Dearvvašvuohta, sosiála ja mánáidsuodjalus

Sámedikki ealáhus-, kultur- ja dearvvašvuođaossodagas lea rabas sadjásašvirgi áššemeannudeaddjin dearvvašvuođa-, sosiála- ja mánáidsuodjalusáššiin. Ohcanáigemearri: 10.08.21.

Álgin farggamusat.

Bargosadji lea muhtun Sámedikki kánturbáikkiin gos lea sadji.

Barggut

Virggi barggut gusket Sámedikki dearvvašvuođa, sosiála ja mánáidsuodjalusa politihka ovdánahttimii, hálddašeapmái ja čuovvoleapmái.

Guovddáš bargun lea čuovvulit ja viidáseappo ovdánahttit spesialistadearvvašvuođabálvalusaid sámi álbmoga várás. Barggus galgá earret eará áimmahuššat sámi pasieanttaid rivttiid, gulahallama ja proseassaid bokte regionála ja guovddáš aktevrraiguin ja eiseválddiiguin, ja maiddái sámi fágabirrasiiguin.

Virgái sáhttet maid biddjot eará barggut mat gusket sámi mánáid rivttiide, go mánát leat mánáidsuodjalusa fuolahusas.

Gelbbolašvuohta

Virgái ohcat olbmo geas lea relevánta oahppu allaskuvllas/universitehtas, masterdásis dahje vástideaddji dásis. Guhkes relevánta bargohárjáneapmi sáhttá muhtun muddui kompenseret masterdási oahpu gáibádusa, dattetge gáibiduvvo oahppu unnimusat bachelordásis. Máhttu sámi servvodatdiliid birra deattuhuvvo erenoamážit. Dasa lassin lea máhttu dearvvašvuođa-, sosiála- ja mánáidsuodjalussuorggi birra dehálaš.

Virgái háliidivččiimet olbmo gii máhttá sámegiela, njálmmálaččat ja čálalaččat.

Muđui deattuhuvvo:

  • Hárjáneapmi almmolaš hálddašeamis
  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi dahje 1364 seniorráđđeaddi.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.

Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.

Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Ohcanáigemearri: 10.08.21.

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Borgemánu 10. b. 2021

Geahča almmuheami jobbnorge.no-siiddus