Bargosadji lea muhtun Sámedikki kánturbáikkiin gos lea guoros sadji.

Barggut

Váldobarggut virggis leat:

• Čuovvoleapmi ja ovddideapmi kulturásahusain ja organisašuvnnain main lea ruhtadeapmi Sámedikkis, dása gullá maid strategiijaid systematiseren ja hábmen Sámedikki čuovvolemiin kulturásahusain.
• Dasto vel politihkkaovddideapmi ja čuovvoleapmi guovddáš dáiddasurggiin ja fágasurggiin mat gullet Sámedikki bargui dáidda- ja kultursuorggis.  

Virgái sáhttet maid biddjot eará barggut mat gullet Sámedikki doibmii.

Gelbbolašvuođagáibádusat

Virgái háliidit olbmo geas lea oahppu masterdásis, vuosttažettiin servodatfágas dahje fágasuorggis mii gullá kultursuorgái. Ohccit geain lea unnimusat bachelorgráda dahje sullasaš, ja unnimusat 5 jagi bargovásáhus, sáhttet árvvoštallojuvvot. Vásáhus kulturásahusaid čuovvoleamis dahje/ja ovddidanbargguin kulturinstitušuvdnasuorggis vuoruhuvvojit.  

Ohccit geat máhttet sámegiela, vuoruhuvvojit. Kandidáhtat geat eai máhte sámegiela, sáhttet geatnegahttojuvvot váldit eksámena vástideaddji SÁÁL 1 ja 2, jagi siste álgima rájes. Dát vástida jahkebeale lohkanbaji, dán gokčá bargoaddi.

Muđui deattuhuvvo:

• Máhttu sámi kulturásahusaid ja sámi servodatdiliid birra
• Buorit fágalaš attáldagat
• Vásáhus áššáiguoski almmolaš ásahusas
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Dáidu bargat iešheanalaččat ja ulbmillaččat
• Veahkkáivuohta

Árvvoštaladettiin geas lea buoremus gelbbolašvuohta, deattuhit oahpu, bargohárjáneami, persovnnalaš dohkálašvuođa ja motivašuvnna virgái.

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđeaddi dahje 1364 seniorráđđeaddi, bargoduogáža ja gelbbolašvuođa vuođul.

• Bálkkás gessojuvvo 2 % Stáhta penšuvdnakássii
• Buorit loatna- ja penšunortnegat Stáhta penšunkássas
• Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

• Máškidis bargoáigi ja buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.
 
Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.
 
Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjojuvvot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrrain Magne Svineng
  Tlf. +47 78 47 40 00 magne.svineng@samediggi.no

• Juogusjođiheddjiin Johan Matteus Triumf
  Tlf. +47 78 47 40 00 johan.matteus.triumf@samediggi.no

Oza bargui

Ohcanáigemearri

Guovvamánu 1. b. 2022