Čorgejeaddji

Čorgejeaddji

Sámedikkis lea rabas fásta čorgejeaddji virgi. Álgin lea farggamusat.

Čorgejeaddji gullá hálddahusossodaga vuollái. Hálddahusossodaga váldobargun lea fállat sihkkaris, buriid, beaktilis ja boahtteáigái čujuheaddji bálvalusfálaldagaid min geavaheddjiide, mat leat sihke politihkalaš- ja hálddahuslaš dásis Sámedikkis.

Bargobáiki lea Kárášjogas.

Barggut

  • Beaivválaš čorgen bassanplána mielde.
  • Kantiidna- ja gievkkanbálvalusat dárbbu mielde.

Virgái sáhttet biddjojuvvot maiddái eará doaimmat mat gullet Sámedikki doibmii.

Gelbbolašvuohta

Sávvat ahte dus ohccin livččii fágareive ja/dahje vásihus buhtisin doallamis. Sávvat maiddái ahte dus livččii vásihus kantiidna-/gievkkandoaimmas.

Mii ohcat du:

  • geas lea beroštupmi fállat alla kvalitehta beaktilis vuogi mielde
  • gii leat čorgat, dárkil ja dáhtolaš ovttasbargat
  • gii leat gearggus bálvalit ja lea dávggas
  • gii leat persovnnalaččat heivvolaš

Son guhte virgáduvvo ferte máhttit sámegiela ja dárogiela njálmmálaččat.

Bálká- ja bargoeavttut

Virggi bálká máksojuvvo Stáhta regulatiivva mielde virgekodas 1130 čorgejeaddji dahje 1203 fágabargi geas lea fágareive.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

Borgemánu 20. beaivvi 2020