Doarjja duodjefitnodaga viiddideapmái

Doarjja duodjefitnodaga viiddideapmái

Sámediggeráđđi juolluda 500 000 ruvnno Guovdageainnu duodjefitnodahkii Kauto Sleder, stuorát buvttadanlanjaide ja duodjefitnodaga viiddideapmái.Deaddil ja stuora govva ihtáReahka maid Kauto Sleder lea ráhkadan Priváhta   

Duodjefitnodat Kauto Sleder vuođđuduvvui jagis 2012. Fitnodat buvttada reagaid ja eará buktagiid muoras. Fitnodat lea ožžon doarjaga viiddidit sihke buvttadanlanjaid ja fitnodaga. Mihttomearrin lea loktet buvttadeami ja dietnasa.

Sámediggeráđđi lea ilus go Sámediggi sáhttá doarjut eanet duodjefitnodagaid.

– Sámedikki bajimuš mihttomearri go addá duodjefitnodagaide doarjagiid, lea loktet duodjefitnodagaid ámmátčehppodaga ja dietnasa. Dan sáhttá dahkat dan bokte ahte viiddidit doaimma, dadjá sámediggeráđđi Hans Ole Eira (Gb).

Su mielas lea hirbmat buorre ahte Kauto Sleder áigu áŋgiruššat iežas duodjefitnodaga ovddideapmái.

– Dát lea juoga maid sámediggeráđđi ollislaččat doarju. Lea hui buorre go fitnodat mii dahká reagaid viiddida doaimma juste Guovdageainnus, mii lea dat stuorimus boazodoallosuohkan Norggas. Guovdageainnus leat maid olu meahcásteaddjit ja lea stuora dárbu reagaide, dadjá Eira.

500 000 ruvdnosaš doarjja addojuvvo Duoji ealáhusšiehtadusa doarjjaortnegis, investeren- ja ovddidandoarjjan.

Eanet dieđuid dahje jearahallama addá sámediggeráđđi Hans Ole Eira (Gb), tel. +47 918 61 471 dahje e-poasta: hans.ole.eira@samediggi.no