HR-bargi

HR-bargi

Sámedikkis lea rabas bistevaš virgi áššemeannudeaddjin bargiidjuhkosis. Juhkosis leat 6 bargi oktan fágajođiheddjiin ja gullá hálddahusossodahkii. Álgin farggamusat.

Ohcanáigemearri: Skábmamánu 7. beaivvi 2021

Bargosadji lea muhtun Sámedikki kánturbáikkiin gos lea guoros sadji. Dál leat mis guoros sajit Kárášjogas, Guovdageainnus, Gáivuonas, Unjárggas, Skániin, Snoasas ja Divttasvuonas.

Barggut

Bargiidjuhkosis lea ovddasvástádus HR strategalaš ovdánahttinproseassain, mas rekrutteren, gelbbolašvuođa ovdánahttin, DBS ja bargiid- ja bálkápolitihkka leat guovddážis. Dasto doaimmaha juogus jotkkolaš bargiidhálddašeami ja hálddaša guoskevaš láhka- ja šiehtadusortnegiid.

Virggi váldobarggut:

  • Leat veahkkin rekrutterenproseassain
  • Rutiidnabarggut mat gusket bargodiliide ja bálkábargguide
  • Koordineret virgáibidjanráđi ja ovttasbargolávdegotti čoahkkimiid
  • Veahkehit beavttálmahttimiin ja digitaliseremiin
  • Veahkehit eará bargguiguin mat gusket HR:i
  • Áššemeannudeapmi ja eará barggut mat gullet juhkosa ovddasvástádussurggiide

Virgái sáhttet maid biddjot eará barggut mat gullet Sámedikki doibmii.

Gelbbolašvuođagáibádus

Virgái háliidit bargi geas lea bachelorgráda dahje vástideaddji oahppu relevánta fágasuorggis (HR ja bargiidjođiheapmi, organisašuvdnapsykologiija jna.) Unnimusat 3 jagi relevánta bargohárjáneapmi sáhttá muhtun muddui dohkkehuvvot oahppogáibádusa sadjái.

Kandidáhtat guđet máhttet sámegiela, válljejuvvojit ovddabeallai earáid.
Kandidáhtat guđet eai máhte sámegiela, galget ceavzit SÁÁL 1 ja 2 vástideaddji eksámeniid, jagi siste maŋŋel bargui álgima. Oahppu bistá jahkebeali, ja bargoaddi máksá oahppogoluid.

Muđuid deattuhuvvo:

  • Máhtu sámi servvodatdiliid birra
  • Hárjáneami almmolaš hálddašeamis
  • Buriid ovttasbargo- ja gulahallandáidduid
  • Buori njálmmálaš ja čálalaš ovdanbuktindáiddu
  • Dáiddu bargat iešheanalaččat, struktuvrralaččat ja ulbmillaččat
  • Veahkkáivuođa

Virggis deattuhuvvojit oahppu, bargovásáhusat, persovnnalaš heivvolašvuohta ja mokta.

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleanta dahje 1434 ráđđeaddi, bargoduogáža ja gelbbolašvuođa vuođul.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

Skábmamánu 7. beaivvi 2021