Mijá tekno-giellateknologiijaseminára Lulejus

Mijá tekno-giellateknologiijaseminára Lulejus

Miessemánnu 10. ja 11. beivviid lágiduvvo Mijá tekno-giellateknologiijaseminára, Lulejus.

Sámediggeráđđi Mikkel Eskil Mikkelsen sávvá bures boahtima Mijá tekno-giellateknologiijaseminárii Lulejus.

Mikkelsen dadjá ahte sámedikkit dáinna seminárain háliidit čohkket logaldalliid ja birrasiid, vai beassat gullat makkár giellateknologalaš dárbbut sámi servodagas leat. Semináras lea maid ulbmil gávdnat oktasaš oktasaš sámi njunušprošeavtta giellateknologiijasuorggis.

Mikkel Eskil Mikkelsen atná dehálažžan ahte giellateknologiijasuorggis leat čovdosat mat ovddidit ja sihkkarastet sámegielaid sajádaga.

– Giellateknologiija lea geaidnu dasa ahte leat eanet aktiivvalaš sámegielagat ja ahte eanebut šaddet sámegielagin, dadjá Mikkelsen.

Seminára lea oassi sámedikkiid gaskasaš ovttasbarggus eamiálbmotgielaid riikkaidgaskasaš logijagi (IDIL 2022-2032) olis.

Jus leat gažaldagat, váldde oktavuođa sámediggeráđiin Mikkel Eskil Mikkelseniin, +47 917 42 161, mikkel.eskil.mikkelsen@samediggi.no