Juhkosis leat sihke nuorra ja hárjánan bargit geat dagahit buori joavkku ja geat beroštit sámegielaid oainnusmahttimis ja ovddideamis. Sámegiella lea juhkosa bargogiella. Juogus lea, dego muđui maid Sámediggi, huksejuvvon lávdaduvvon struktuvrrain, ja juhkosa bargit barget iešguđetge kánturbáikkis. Juhkosis leat muhtun deaivvadanbáikkit jagi mielde, mat addet vejolašvuođa oahpásmuvvat bargoguimmiide ja Sámedikki eará kánturbáikkiide.
Sámediggi bargá dan ala ahte eambbo sámi báikenamat dohkkehuvvojit ja geavahuvvojit. Báikenammalága mielde lea Sámediggi sámi báikenammanevvohat. Sámi báikenammanevvohat rávve earret eará luonddunamaid, čujuhusnamaid, suohkannamaid, gilinamaid jna. Sámi báikenammanevvohat rávve árbevirolaš sámi báikenamaid sámegiela sohppojuvvon čállingiela mielde, ja čuovvu báikenammalága ja lága ásahusa dán barggus. Ulbmil dáinna bargguin lea dokumenteret ja seailluhit sámi báikenamaid. Go báikenamma lea čuvvon áššejođu, ja lea dohkkehuvvon, de dat lea gávdnomis SSR: as (Sentralt stedsnavnregister). Namat ihtet de maid norgeskart.no: ii mii lea Norgga almmolaš kártavuorká.
Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.
Sámedikki bargit fertejit rehkenastit veahá mátkkoštit.
Barggut
Ráđđeaddin leat dus čuovvovaš barggut:
- Áššemeannudit báikenammaáššiid
- Oahpahit ja bagadallat fágasuorggi
- Čuovvulit fágasuorggi, ja leat mielde ovddideamen fágasuorggi dainna lágiin ahte aktiivvalaččat háhkat dieđuid, analyseret ja juogadit dieđuid fágalaš ovdáneamis
- Árvvoštallat ja rávvet siskkáldas jorgaleami ja báikenammaáššemeannudeami oktavuođas
- Ovddidit ja váldit atnui ođđa bargovugiid ja reaidduid
- Gulahallan ja ovttasbargu relevánta aktevrraiguin fágasuorggis
- Leat mielde ja jođihit fágasuorggi čielggademiid ja prošeavttaid.
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
Loga eanet virggi birra ja oza virggi Karrieresiiddus