Sámedikkis digitála viessočájeheapmi 2020:s

Sámedikkis digitála viessočájeheapmi 2020:s

Gáržžideamit Sámedikki dábálaš viessočájehemiin bistet jagi lohppii.

Covid-19 dili geažil lea Sámediggi mearridan ahte bisuha dábálaš viessočájehemiid gáržžideami Kárášjogas jagi lohppii suodjalan dihtii Sámedikki guovddáš doaimma.

Danne eai sáhte olggobeale olbmot dahje joavkkut boahtit rabas viessočájehemiide dahje eará dábálaš viessočájehemiide čakčat ja dálvet 2020.
 
Sámedikki neahttasiidduin ja Sámedikki YouTube kanálas sáhttá geahččat Sámedikki vistti digitála hámis. Digitála viessočájeheapmi lea davvisámegillii, ja dat lea tekstejuvvon dárogillii ja eaŋgalasgillii.
 

Video med teksting på engelsk

Sámediggi heaittihii buot dábálaš ofelastimiid njukčamánu 6. beaivvi Korona-virusa dihte. Mii sávvat ahte sáhttit váldit vuostá gussiid Sámedikkis fas ođđajagis, jus njoammundilli suovvá dan. Diehtu dán birra almmuhuvvo min neahttasiiddus.