Sámi giellabálkkašupmi Gollegiella Ellen Pautamoi ja Jonar Thomassonii

Sámi giellabálkkašupmi Gollegiella Ellen Pautamoi ja Jonar Thomassonii

Ellen Pautamo (Ergon Máreha Ánne Elle-Máret) Tamperes ja Jonar Thomasson Lyjmedes bálkkašuvvoba jagi 2020 davviriikkalaš Gollegiella-giellabálkkašumiin sámegielaid ovddideamis.

Sámegiela ja kultuvrra lektor Ellen Pautamo oažžu Gollegiella-bálkkašumi ánssuinis davvisámegiela oahpaheaddjin. Giellaáššedovdi Jonar Thomassonii bálkkašupmi mieđihuvvo su lullisámegiela ovdii dahkan barggus.Deaddil ja stuora govva ihtáJonar Thomasson  

Suoma vuoigatvuođaministtar Anna-Maja Henriksson almmustahtii bálkkašumi oažžuid odne Helssegis Norgga, Ruoŧa ja Suoma sámeáššiin vástideaddji ministariid ja sámedikkiid ságadoalliid čoahkkima oktavuođas.

– Liegga giitosat goabbáge bálkkašumi oažžui mearkkašahtti doaimmain sámegielaid buorrin. Sávan, ahte Pautamo ja Thomassona bargu oažžu min movttiiduvvat sámegielain ja kultuvrras sihke atnit daid árvvus, Suoma vuoigatvuođaministtar Anna-Maja Henriksson lohká.

Ellen Pautamo lea okta mearkkašahttimus sámi gáiddusoahpahusa ovddideaddjiin. Son bargá Sámi oahpahusguovddážis virtuálaskuvllas sámegiela ja kultuvrra lektorin. Pautamo lea čeahpes, hutkás ja movttiidahtti oahpaheaddji, gii doaibmá maiddái oahpaheaddjiid skuvlejeaddjin.

Jonar Thomasson lea giellaáššedovdi ja bivnnuhis giellagáldu, gii gaskkusta sámegiela ja sámi kultuvrra sihke historjjá vásáhusaid. Thomasson lea ovddidan sámegiela seailuma ja ovddideami dokumenteremiin lullisámegiela. Son lea čoaggán Mojhtsijstie-girjásis muitalusaid, sániid já sátnevádjasiid lullisámegillii.

Bálkkašupmi lea 15 000 euro stuoris. Dán jagi bálkkašumi oažžut leaba guovttis, nu ahte bálkkašupmi juhkkojuvvo Pautamo ja Thomassona gaskkas.

Deaddil ja stuora govva ihtáEllen Pautamo Ulla Isotalo