Vuosttaškonsuleanta / Ráđđeaddi Sámedikki girjerádjosis

Vuosttaškonsuleanta / Ráđđeaddi Sámedikki girjerádjosis

Sámedikki ealáhus- , kultur- ja dearvvašvuođaossodagas lea rabas virgi bibliotekáran Sámedikki girjerádjosis.

Ohcanáigemearri: 08.07.22.

Mii ohcat bibliotekára geas lea beroštupmi bargat erenoamáščoakkálmasain mas sámi girjjálašvuohta ja eará ávdnasat sámi gielaide ja sámi diliid birra. Sámedikki girjerájus galgá fuolahit, lagadit ja gaskkustit čoakkálmasa eará girjerádjosiidda ja ovttaskas luoikkaheddjiide.

Bargosadjin šaddá Sámediggi Kárášjogas.

Álgin farggamusat.

Barggut

Virggi valdobarggut:

  • Girjjiid oastin ja sisačáliheapmi
  • Girjerádjovuogádaga Alma geavaheapmi
  • Bálvalit gussiid
  • Girjjálašvuođagaskkusteapmi ja diehtojuohkinbargu
  • Plánet ja čađahit doaluid
  • Fierpmádathuksen ja ovttasbargu earáiguin

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Sávvat ohccis bachelor bibliotehka ja diehtojuohkindiehtagis dahje humanisttalaš fágain. Ohcci geas lea unnimus 3 jagi relevánta bargohárjáneapmi sáhttá buhtadit oahpahusgáibádussii. Gelbbolašvuohta sámi girjjálašvuođa dahje bibliotehkafága birra deattuhuvvo .

Sámegiela máhtolašvuhtii biddjojuvvo stuorra deaddu ohcciid dáfus geat muđui leat gelbbolaččat.  Eavttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guokte jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Dákkár persovnnalaš iešvuođat deattuhuvvojit:

  • Návccat bargat iešheanalaččat
  • Struktuvrralaš
  • Buorit ovttasbargonávccat
  • Buorre njálmmálaš ja čálalaš ovdanbuktinnákca
  • Geabbil ja smáđáhkes

Árvvoštaladettiin geas lea buoremus gelbbolašvuohta, deattuhit oahpu, bargohárjáneami, persovnnalaš dohkálašvuođa ja motivašuvnna virgái.

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleanta dahje 1434 ráđđeaddi, vuolgá ohcci bargohárjáneamis ja gelbbolašvuođas.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.
  • Máškidis bargoáigi ja buorit čálgoortnegat

Stáhtalaš bargoveahka galgá speadjalastit álbmoga girjjatvuođa nu olu go vejolaš. Bargiidpolitihkalaš mihttomeari ulbmilin lea olahit dássedettolaš ahke- ja sohkabealčoahkádusa, ja rekrutteret olbmuid geain lea sisafárrejeaddjiduogáš, olbmuid geain lea unniduvvon doaibmannávccat ja váilevašvuođat CV:s.

Sámediggi ávžžuha gelbbolaš kandidáhtaid ohcat, vaikke makkár agis, sohkabealli, našuvnnalaš dahje ehtalaš duogáš, doaibmahehttehus dahje váilevaš CV.

Sámediggi lea IA-doaimmahat Čáhkkilis bargodili , dg . Inkluderende Arbeidsliv ( IA ), ja deattuha bargodiliid láhčima juohke bargái.  Bargiid virgádeapmi gustovaš lágaid, njuolggadusaid ja šiehtadusaid vuođul.

Virggis lea 6 mánu geahččalanáigi

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Suoidnemánu 8. b. 2022