Vuosttaškonsuleanta / Ráđđeaddi

Vuosttaškonsuleanta / Ráđđeaddi

Sámedikkis lea rabas bistevaš virgi Bušeahtta ja ovttastahttin juhkosis mas lea álgin farggamusat. Mii ohcat vuosttaškonsuleantta/ráđđeaddi geas lea gelbbolašvuohta ja berošta ovdánahttit Sámedikki analysa ja guorahallanbarggu ja dasa lassin Sámedikki dieđihanbarggu.  

Ohcanáigemearri: Juovlamánu 15. b. 2021.

Bargosadji lea muhtun Sámedikki kánturbáikkiin gos lea guoros sadji. Dál leat mis guoros sajit Kárášjogas, Guovdageainnus, Gáivuonas, Unjárggas, Skániin, Snoasas ja Divttasvuonas.

Hálddahusossodaga váldobargun lea fállat dorvvolaš, buriid ja beaktilis ja boahtteáiggediđolaš servicebálvalusaid geavaheddjiidasamet, mat lea politihkalaš ja hálddahuslaš dásis.   Dat mearkkaša ahte min bálvalusat galget duohta ja vásihuvvon ávkin, ja dasa lassin galget heivehuvvon geavaheddjiid dárbbuide. Bálvalusaid sisdoalus galgá service ja kvaliteahta mii vurdojuvvo geavaheddjiin.  Mii galgat maiddái jođihit min bálvalusaid ovdánahttima ja beavttálmahttima.

Bušeahtta ja ovttastahttin juhkosis lea earet eará ovddasvástádus ráhkadit Sámedikki váldobušeahta, Sámedikki jahkedieđáhusa, statistihka ja analysa, ja juhkosis lea Sámedikki dieđihanbarggu ja doarjjahálddašeami  váldoovddasvástádus ja dasa lassin Sámedikki controllerdoaibma. Juhkosis lea vihtta bargi bistevaš virggiin. 

Virggi barggut ja ovddasvástádussuorggit:

  • Analysa ja guorahallamat čatnon juhkosa bargguide. 
  • Veahkkin bargat  Sámedikki jahkedieđáhusain, bušeahtain ja dieđáhusbargguin. 
  • Sámedikki ON ceavzilvuođamihttu raporteren.
  • Ráđđeaddin, ja earáid oahpahit organisašuvnnas. 
  • Virgái sáhttet maid biddjojuvvot eará Sámedikki doaimma barggut. 

Gelbbolašvuođa gáibádusat:

Gáibiduvvo oahppu, áinnas masterdásis, fágasurggiin dego stáhtadiehtagis, servodatgeografiijas, servodatekonomiijas, dahje eará servodatfágalaš surggiin.  Relevánta bargohárjáneapmi sáhttá buhttet váilevaš oahpahusgáibádusa. Máhttu sámi servodaga dilis, ja vásáhus guorahallan guorahallanbagadusa mielde lea ovdamunnin.  ON ceavzilvuođamihttu birra máhttu lea maid ovdamunnin, áinnas álgoálbmotperspektiivvas.  Dat geat leat aiddo válbmen oahpu sáhttet ohcat. 

Sámegiela máhtolašvuhtii biddjojuvvo stuorra deaddu ohcciid dáfus geain muđui lea seamma dásis gelbbolašvuohta.  Bargoohccit geat eai hálddaš sámegiela, geatnegahttojuvvojit váldit eksámena mii vástida SÁÁL 1 ja 2, ovddemustá ovdal go jahki lea gollan virgáibidjama maŋŋil.   Dát vástida jahkebealeovttadaga, maid bargoaddi máksá.

  • Persovnnalaš iešvuođat
  • Strukturerejuvvon
  • Buorit ovttasbargoattáldagat
  • Gálga bargat iešheanalaččat 
  • Berošta čađahit bargguid ja kvaliteahtas
  • Buorit dárogiela čálalaš ja njálmmálaš dáiddut
  • Analyhtalaš
  • Hutkáivuohta ja dáidu gálgat čuolmmaid

Persovnnalaš iešvuođat deattuhuvvojit ollu ohcciid árvvoštallamis. 

Bálká- ja bargoeavttut

Virgi bálkáhuvvo virgekoda 1408 vuosttaškonsuleanta dahje 1434 ráđđeaddi mielde, ovdalaš vásáhusa ja gelbbolašvuođa vuođul. 

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Máškidis bargoáigi ja buorit čálgoortnegat
  • Buorre bargobiras mas don leat okta váikkuheddjiin

Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.

Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái. Ohccit geat eai hálddaš sámegiela go virgáduvvojit, sáhttet ovttasráđiid bargoaddiin geatnegahttojuvvot váldit oahpu sámegielas.

Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.

Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahčalanáigi.

Oktavuohta

Eanet dieđuid virggi birra oaččut go válddát oktavuođa:

  • Juogusjođiheaddji Veslemøy Dahl, tlf 958 50 804 / 784 74 000.

Ohcan

Ohcan, oktan skuvla- ja bargoduođaštusaiguin galgá sáddejuvvot elektrovnnalaččat dán siiddus, liŋka bokte "Oza bargui".

Maŋŋel ohcanáigemeari ráhkaduvvo almmolaš ohcciidlistu. Almmolašvuođalága § 25 vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.

Oza bargui

Ohcanáigemearri

Juovlamánu 15. b. 2021