Vuosttaškonsuleanta

Vuosttaškonsuleanta

Sámedikki politihkalaš čállingottis lea rabas bistevaš virgi dokumentašuvdna- ja parlameantahálddašanjuhkosis. 

Ohcanáigemearri: 20.02.2022.

Bargosadji lea muhtun Sámedikki kánturbáikkiin gos lea guoros sadji. Álgin farggamusat.

Dokumentašuvdna- ja parlameantahálddašanjuhkosis leat 5 virggi ja lea ovddasvástideaddji visot politihkalaš čoahkkimiidda Sámedikkis. Juhkosis lea fokus beavttálmahttit čoahkkingieđahallama buot lađđasiin, čuovvuleami, heiveheami, dárkkisteami ja bajásdoallama bokte áššejođu fágaossodagaid ja hálddahuslaš ja politihkalaš ovttadagaid gaskkas.

Barggut

Virggi valdobarggut:

  • Áššejohtu Sámedikkis, mas maiddái leat mielde rutiinnat, áššejohtu ja áššiid stáhtusa bajilgovva.  
  • Sámedikki politihkalaš čoahkkindoaimma čállingoddedoaibma. 
  • Praktihkalaččat láhččit dili čoahkkimiidda dievasčoahkkimii, lávdegottiide, dievasčoahkkinjođihangoddái, sámediggeráđđái ja eará politihkalaš lávdegottiide. 
  • Politihkalaš čoahkkimiid ráđđeaddin. 
  • Politihkkáriid honorárat ja mátkerehkegat. 
  • Sámedikki rahpan.  
  • Resepšuvdna ja telefonguovddáš dárbbu mielde. 
  • Sáhttá maid leat áigeguovdil eará bargguiguin dása lassin virggi fága- ja ovddasvástádussuorgái 

Virgái sáhttet maid biddjot eará barggut mat gullet Sámedikki doibmii.

Gelbbolašvuođagáibádusat

  • Bachelorgráda servodatfágas dahje sullasaš, muhto unnimus 3 jagi relevánta bargohárjáneapmi sáhttá buhtadit oahpahusgáibádussii.
  • Buorre IKT-ipmárdus  
  • Dat gii virgáibiddjo ferte máhttit sámegiela njálmmálaččat ja čálalaččat. 

Muđui deattuhit:

  • Máhtu sámi servvodatdiliid birra
  • Hárjáneami almmolaš hálddašeamis  ja čoahkkinláhčimis 
  • Buriid gulahallan- ja ovttasbargodáidduid
  • Buori njálmmálaš ja čálalaš ovdanbuktindáiddu
  • Dáiddu bargat iešheanalaččat ja ulbmillaččat
  • Veahkkáivuođa

Árvvoštaladettiin geas lea buoremus gelbbolašvuohta, deattuhit oahpu, bargohárjáneami, persovnnalaš dohkálašvuođa ja motivašuvnna virgái.

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1408 vuosttaškonsuleanta, bargoduogáža ja gelbbolašvuođa vuođul.

  • Bálkkás gessojuvvo 2 % Stáhta penšuvdnakássii
  • Buorit loatna- ja penšunortnegat Stáhta penšunkássas
  • Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 % jahkái gitta 25.000 ru rádjai, sii ožžot maiddái sierra vearrogessosa.
  • Máškidis bargoáigi ja buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.
 
Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.
 
Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Guovvamánu 20. b. 2022