Gulaskuddan - Láhkaásahus sámi leavgga geavaheami birra

Sámediggi áigu rievdadit Láhkaásahusa sámi leavgga geavaheami birra. Gulaskuddanáigemearri lea cuoŋománu 29. beaivi 2024.

Sámi leavga dohkkehuvvui 13. davviriikkalaš sámekonfereanssas 1986:s. Sámi leavga lea buot sápmelaččaid oktasaš, riikkaidgaskasaš dovdomearka. Sámiid iešmearridanvuoigatvuođa vuođul ja lága vuođul geassemánu 12. b. 1987 nr. 56 Sámedikki ja eará sámi vuoigatvuođaid birra (sámeláhka) mearridii Sámediggi 2004:s láhkaásahusaid sámi leavgga geavaheami birra.  

Sámediggi áigu rievdadit Láhkaásahusa sámi leavgga geavaheami birra. Evttohus siskkilda earret eará leavgga sajusteami almmolaš sámi leavgabeivviid, leavgga sturrodaga, ja maiddái levgema skiippain ja fatnasiin.

Dat ášši lea dál gulaskuddamis. Gulaskuddan lea rabas, ja juohkehaš sáhttá sáddet midjiide árvalusaid. Mearkkaš ahte cealkámušat leat almmolaččat almmolašvuođalága vuođul ja almmuhuvvojit oktanaga eará gulaskuddancealkámušaiguin.  

Gulaskuddanáigemearri: Cuoŋománu 29. b. 2024 

Gulaskuddanvástádusa sádde Sámediggái e-poastta bokte: samediggi@samediggi.no

Sáhtát maid sáddet gulaskuddanvástádusa poastta bokte: 
Sámediggi 
Poastaboksa 3 
9735 Kárášjohka

Loga gulaskuddannotáhta mii lea vuođđun vejolaš gulaskuddancealkámušaide (PDF, 149 kB)

modules.artikkel.templates.pages.articlelistpage.artikkelliste