Dohkkehuvvon válgalisttat Válgabiire 1 Nuortaguovlu (PDF, 164 kB) (9 listta)
Dohkkehuvvon válgalisttat Válgabiire 2 Ávjovárri (PDF, 212 kB) (10 listta)
Dohkkehuvvon válgalisttat Válgabiire 3 Davviguovlu (PDF, 190 kB) (8 listta)
Dohkkehuvvon válgalisttat Válgabiire 4 Gáisi (PDF, 194 kB) (9 listta)
Dohkkehuvvon válgalisttat Válgabiire 5 Viesttarmearra (PDF, 182 kB) (8 listta)
Dohkkehuvvon válgalisttat Válgabiire 6 Åarjel Saepmie (PDF, 179 kB) (6 listta)
Dohkkehuvvon válgalisttat Válgabiire 7 Lulli-Norga (PDF, 194 kB) (8 listta)
Sámedikki válganammagotti jođiheaddji Anita Persdatter Ravna lea hui duhtavaš beroštumiin ja áŋgiruššamiin sámediggeválgii.
– Máŋgga bellodagas leat listtut válgabiiriin gos eai leat ovdal sis leamaš listtut. Dat lea mielde nanneme min demokratiija Sámedikkis. Dat addá maid jienasteaddjái stuorát válljenfriddjavuođa ja vejolašvuođa gávdnat politihka maid dorjot.
Válganammagoddi lea meannudan moadde ohcamuša mas listaevttohasat leat ohcan luvvejuvvot čuožžut listtus sámediggeválgii. Ohcamušat leat meannuduvvon ja luvvejumit leat dohkkehuvvon láhkaásahusa § 16 mielde. Válganammagoddi lea maid meannudan ovtta ohcamuša dohkkehuvvot sámepolitihkalaš organisašuvdnan. Dát dohkkehuvvui.
Muhtin listtuin leat leamaš hástalusat go ovttaskas listaevttohasat eai leat ohcan beassan jienastuslohkui, dahje listaevttohas ii leat duođaštan ahte deavdá eavttuid beassat válgajienastuslohkui. Listaevttoheddjiin lea de leamaš vejolašvuohta buktit ođđa listaevttohasaid ovdal áigemeari mii lei geassemánu 1. beaivvi. Buot listtain mat leat dohkkehuvvon leat listaevttohasat mat leat registrerejuvvon válgajienastuslohkui dahje leat dohkálaččat válgajienastuslohkui.
– Lea somá go ain eanet olbmot dieđihit iežaset Sámedikki válgajienastuslohkui. Máŋga ođđa olbmo leat dieđihan iežaset dohko ja leat diktán iežaset evttohuvvot čuožžut listtain. Dát čájeha ahte beroštupmi leat mielde váikkuheamen sámi politihka lassána.
Jus galggat sáhttit jienastit sámediggeválggaide, de fertet leat Sámedikki válgajienastuslogus mielde. Jus galggat sáhttit čavčča válggain jienastit, de lea áigemearri čálihit iežas válgajienastuslohkui geassemánu 30. beaivvi 2021.
– Mis lea gelddolaš sámediggeválga vuoridimis. Čálit iežat válgajienastuslohkui, vai beasat leat mielde váikkuheamen sámepolitihkalaš ovdáneami, ávžžuha Sámedikki válganammagotti jođiheaddji Anita Persdatter Ravna.
Čálit iežat Sámedikki válgajienastuslohkui
Loga eanet Sámedikki válganammagotti birra
Listaevttohusat 2021 sámediggeválggaide
Gulahallanolmmoš: Sámedikki válganammagotti jođiheaddji Anita Persdatter Ravna, 91749555