Gie uvtedh Saemiedigkien gïeleskreejremeåasam 2021 åadtjodh?

Gie uvtedh Saemiedigkien gïeleskreejremeåasam 2021 åadtjodh?

BildeKlikkForStorVersjonGie jallh mij galka Saemiedigkien gïeleskreejremeåasam åadtjodh? Sjïere almetje jallh sïelte, prosjekte jallh organisasjovne, mij jïjnjem barkeme nænnoestimmine, evtiedimmine jïh vaarjelimmine saemien gïeleste maahta dam åadtjodh. 

Saemiedigkie åasam vadta fïerhten njealjeden jaepien. Åasa lea 50.000 ,- kråvnah jïh tjeahpoediplome. 

Gaajhkesh maehtieh raeriestidh gie jallh mij byöroe gïeleskreejremeåasam vitnedh. Tjaelieh åenehks tjaalegem dov raeriestimmien bïjre jïh seedth dam Saemiedigkien gïelegoevtesasse voerhtjen 30. b. åvtelen

Saemiedigkieraerie mierede gie åasam åådtje. Gïeleskreejremeåasa vitnijasse vadtasåvva Saemiedigkien stoerestjåanghkosne ruffien.

Seedth raeriestimmide diekie: samediggi@samediggi.no 

Ih gåaredh åasam vedtedh Saemiedigkien lïhtsegidie jallh reeremasse. 

Evtebe vitnieh gïeleskreejremeåasa lea Divtasvuonen eejteghdåehkie 2000:sne, Skánien gieledåehkie 2001:sne, Harry Solhaug Gáivouneste 2002:sne, Sagka Stångberg Dearneste 2009:sne, Iŋgor Ántte Ánte Mihkkal/Ánte Mikkel Gaup Guovdageaidnuste 2013:sne jïh Jane Astrid Juuso Unjárggeste 2017:sne.