Arkitektuvra

Arkitektuvra

Sámediggevisti Kárášjogas gárvánii čakčat 2001. Dat lea vuoitán nu gohčoduvvon Byggeskikk-bálkkašumi ja visttis lea erenoamáš hápmi, sihke siskkabealde ja olggobealde. 

Deaddil ja stuora govva ihtá  

Sámediggevistti 2000 leaba tevdnen siviilaarkiteavttat Stein Halvorsen ja Christian Sundby, soai vuittiiga njukčamánus 1996 arkiteaktagilvvu namain 69,3˚ NORD.
 

Sámediggevisti 2000 lea oaivvilduvvon čájehit báikkálaš luonddudili arkitektonalaš vuogi mielde. Visti lea hábmejuvvon beallejorbadassan guovtti gearddis gos leat Sámedikki girjerádju, resepšuvdna, čoahkkinlanjat ja kantuvrrat. Beallejorbadasa geažis lea sámediggesála mas lea lávu hápmi sámi álbmotválljen čoahkkimiid várás. Sámediggevisti lea skoađastuvvon sibirja lastaguosain (lerk) ja mii áiggi mielde rievdá ivdnin mii lea ollu guovllu boares muorravisttiin.


Huksenbargu álggahuvvui borgemánus 1998 ja geassemánus 1999 bijai daláš stuorradiggepresideanta Kirsti Kolle Grøndahl vuođđogeađggi. Sámediggevisti lea vuosttažettiin konkrehta symbola politihkalaš ja rievttálaš stáhtusis mii sámiin lea álbmogin.

Sámediggevisti lea ožžon máŋga bálkkašumi go lea nu mihtilmas arkitektonalaččat. 2001:s oaččui dat Stáhta byggeskikk-bálkkašumi, Davvinorgga arkitektuvrabálkkašumi 2002:s ja 2003:s oaččui Fiabci Norways Opmodatbálkkašumi kategoriijas almmolaš visttit.

Vistti bruttoareála lea 5300 njealjehasmehtera.

Laktavisti 

Ođđa laktavisti Sámediggái rahppojuvvui almmolaččat skábmamánu 20. b. 2015. Visttis, mii lea 1520 njealjehasmehtera leat kantuvrrat ja čoahkkinlanjat sihke politihkalaš doaimma ja hálddahusa várás. Arkiteaktan lea leamaš Stein Halvorsen AS ja vistti lea Stáhta huksenfitnodat lea huksehan.


Laktavisti lea ovttastuvvon Sámediggevistái guhkes feaskáriin mas leat glásat. Ođđa visti lea biddjojuvvon nu ahte dat ii oidno nu bures eanadagas, ja lea kontrásta Sámediggevistái.

Laktavistti váldoávdnasat leat muoras, mii addá liegga ja miela mielde áibmogearddi bargiide ja gussiide. Dáiddalaččat vistti lea čiŋahan sámi dáiddár Outi Pieski gii lea eret Gáregasnjárggas Suoma bealde. 

Loga eanet Sámedikki lassiareálaid dáidaga birra KORO neahttasiidduin.

Deaddil ja stuora govva ihtá