Girjeskeaŋkkažat mánáide

Girjeskeaŋkkažat mánáide

Loga munnje!-prošeavttas ožžot buot sámi smávvamánnábearrašat, geain lea unnamánáš riegádan áigodagas 2021-23, girjelávkkaža go fitnet dearvvašvuođastašuvnnas dearvvašvuođadárkkistusas.

Dán prošeavttas leat mii almmuhan girjji Riebančivga sámegiel teavsttain unnimusaide. Dat lea maid almmuhuvvon videogirjin, maid sáhtát lohkat ja gullat neahtas. Lassin girjái leat mii almmuhan teakstagirjjáža seamma girjái mas lea veahá guhkit teaksta daidda stuorát mánáide.

Dáid almmuhemiid, oktan girjeveaskkuin, sáhttet dearvvašvuođastašuvnnat diŋgot Sámedikkis vai besset addit váhnemiidda go leat dearvvašvuođadárkkistusas dan guokte vuosttaš jagi.

Dearvvašvuođadárkkistusas bovdejuvvojit váhnemat váldit oktavuođa báikkálaš girjerádjosiin oahpásnuvvan dihte buorebut girjierádjosiin ja luoikkahan dihte sámi girjjiid mánnái. Bearaš oažžu dearvvašvuođastašuvnnasskeaŋkkagoartta girjerádjosii, gos sáhttá viežžat skeaŋkagirjjiid mánnái.

Oaččo girjji skeaŋkan girjerádjosis

Stuoribuš mánát ožžot 2- ja 4-jagidárkkistusas skeaŋkakoarttaža girjerádjosii gos sáhttet viežžat girjji ja oahpásmuvvat báikkálaš girjerádjosii.

Prošeavttas sáddet mii guokte girjji nuvttá girjerádjosiidda dain suohkaniin/gielddain mat háliidit leat mielde doaimmas. 

2-jagi dárkkistusas ožžot mánát girjji Milli ja Bolfi - Milli jávká - Milli gáhtu//Millie gon Bolfieh - Millie gaarvene.

4-jagi dárkkistusas ožžot mánát girjji Lilli, áddjá ja guovsagis.

Skeaŋkapáhkas leat maid diehtojuohkingihppagat lohkama ja giellaovdáneami birra, ja maiddái girjecavgilangihppagat. 

Viečča gihppagiid mat leat ráhkaduvvon prošektii