Loga munnje-prošeavtta birra

Loga munnje-prošeavtta birra

Sámediggi lea ovdánahttán dán Loga munnje prošeavtta lagas ovttasbargguin !loga- servviin ja Bokstart- prográmmain. Prošeakta hukse ovttasbarggu gaskkal suohkana dearvvasvuođastašuvnna ja girjerádjosa.  

Mii háliidit doarjut lohkama, giellaovdáneami ja giellaválljema sámi smávvamánábearrašiin. 

Sámediggi lea válljen sierra ávdnasiid ráhkadahttit mat leat sámegillii ja erenoamážit sámi smávvamánábearrašiidda jurddašuvvon servvodaga áitojuvvon gielladili dihte. Mii leat ráhkadahttán sierra govvagirjjiid ja diehtojuohkinávdnasiid sámegillii.  Dasa lassin skeŋket skeaŋkagirjjiid  girjerádjosii. Oassi materiálain lea maid dárogillii. 

Viečča diehtojuohkinávdnasiid ja plakáhtaid

Go smávvamánábearrašat fitnet dearvvasvuođastašuvnnas dahje girjerádjosis galget diehtojuohkinávdnasat ja girjjit leat oidnosis. 

Dearvvasvuođastašuvdna bagada váhnemiid lohkama ja máná giellaovdáneami birra. Sámi váhnemat dárbbašit doarjaga giellaválljemii ja sámegiela geavaheamis mánáin. Projeakta deattuha máŋggagielalašvuođa ovdamuniid ja movttiida viššalit atnit sámegiela juo njuoratmánáagis. Dearvvasvuođastašuvdna sáhttá deattuhit man olu lohkan mearkkaša  smávvamánnái ja man dehálaš girjerájus lea suohkanis, gos sámegielat girjjit leat buohkaide olámuttus.  

Háliida go suohkan searvat Loga munnje doibmii? 

Jus suohkan háliida searvat doibmii de galggašeigga dearvvasvuođastašuvdna ja girjerájus soahpat ovttasbarggu ja koordineret diŋgojumiid. Dan sáhttá bargat dainna lágiin ahte oktavuođaolbmo nammadit suohkanis. 

Diŋgo girjeveaskku mas ávdnasat ja girjjit

Sámediggi registrere girjepáhkaid diŋgojumi sihke dearvvasvuođastašuvdnii ja girjerádjosii ja sádde páhkaid nuvttá. Go diŋgo nuvttá girjepáhkaid čatnasa suohkan doibmii ja doaimmaid čađaheapmái go dat lohko dego dieđiheapmin. Sámediggi fállá bagadallama ja doarjaga suohkanii dađi mielde.  

Bagadallan dearvvašvuođastašuvdnii (PDF, 471 kB)

Bagadallan girjerádjui (PDF, 373 kB)