Låhkåma birra – låhkit aktan

Låhkåma birra – låhkit aktan

Jieddnát låhkåm mánnáj unnagasjrájes duodaj laset máná báhkoboanndudagáv.

Máná sjaddi jasska sámegieladdne. Dutkam vuoset jut vuostasj jage máná iellemis vuodo láhtjá oahppamij ja sosiálalasj åvddånibmáj. Positijvalasj åtsådallama girjij ja låhkåmijn vaddá buorre vuodov maŋenagi låhkåm- ja tjállemåhpadusán. Ållessjattuga sjaddi buorre åvddågåvå låhkåmijn.

Das ienep girje li vájkkudam máná iellemav unnagasjrájes, ienep gárvvása li åhpatjit låhkåt gå álggi skåvllåj.

10 buorre sivá låhkåt mánnáj:

  • La jasska ja hávsske gå lågåduvvá mánnáj!
  • Gå låhkåp, lassán máná báhkoboanndudahka ja gielladádjadus
  • Oadtjobihtte aktisasj åtsådallamav
  • Oadtjobihtte ienebu man birra ságastit
  • Giella sjaddá buorep
  • Mánná oahppá gulldalit
  • Máná dádjadus lassán ietja ulmutjij ja iellemvuogij hárráj
  • Máná iesjdádjadus lassán gå dåbddo ietjas ja nuppijt girjijn
  • Jieddnát låhkåm arvusmahttá máná gåvådallamav, dåbdojt, ståhkamav ja niegojt
  • Máhtudahka lassán– mánná oahppa ienebu

Låhkit aktan, juohkka biejve jus máhttelis!

Unnagasjrájes máhtá låhkåmbåttåv adnet mánát siegen.

Gieres ja jasska aktisasjvuodaj baktu sjatta dån viehkedit váj máná giellamáhtudahka åvddån buorre vuogij milta.

Álge árrat!

Gávna girjijt ma li hiebadahtedum máná álldara hárráj. Girjjevuorkkán gávna girjijt iesjguhtik álldarij. Muhtem girje sjaddi buoremus girje mánnáj, ja sihtá dån galga låhkåt dav moaddi. Girje galggi liehket giehtaåvdån mánnáj.

Låhkåmtsuojggidusá

  • Jáddi musihkav, TV’av, ja bieja ierit telefåvnåv (sjávvovuogen)
  • Tjåhkkidahte mánáv buorreláhkáj fármmáj
  • Tjuovvo máná berustimev ja mielav. Låhkåmbåttå máhtti liehket ånigattja. Ane jienat mielagiddim diehti.
  • La ájnas jut aj dån hávsskudalá la jasska
  • Låhkåmin la dåbdudahka, dibde ietjat mánáv duohttat girjev, ja oahpástuvvat dajna.
  • Gæhttjit gåvåjt aktan, ja ságastit daj birra. Tæksta viehket duv.
  • Buorre oajvvadus la låhkåt gå mánná la bårråm, ja la vieddje, gallas ja buorremielan.
  • Sebrudahte familjav ja ietjá láhka ulmutjijt. Oarbbena ja áhko ja ádjá máhtti aj jieddnát låhkåt mánnáj.
  • Maŋenagi mánná sjaddá vuosedit vuorddemusájt ja iesj hálijdit låhkåmbåttåv.

Sebrudahte familjav!

Hasoda vuorrasap oarbbenijt, áhkojt ja ádjájt ja ietjá ållessjattugijt ietjat máná láhka. La buorre vuohke nannit aktisasjvuodav. Dan baktu låhkke åvddågåve vuosedi låhkåm buktá ávov.