Doarjjaortnega mihttomearri:

• Láhčit eanet árvohuksema Sámis ja lasihit rájárasttideaddji ovttasbarggu Sámis.

Dása sáhtát oažžut doarjaga:

• Prošeavttat siskkabealde nannensuorggi ja mat dasa lassin muđui veahkehit Sámedikki olahit bohtosiid.

Gii sáhttá oažžut doarjaga:

• Fitnodagat, institušuvnnat ja organisašuvnnat mat galget ohcat prošeaktaruđa Interreg Auroras, oasseguovllus Sámis, sáhttet ohcat Sámedikkis mielruhtadeami.
• Fitnodagat, institušuvnnat ja organisašuvnnat mat ožžot doarjaga fertejit leahkit registrerejuvvon Norgga Ovttadatregisteris.

Ná olu sáhtát oažžut doarjaga:

• Sámediggi juolluda dušše doarjaga prošeavttaide siskkabealde Interreg Aurora, oasseguovlu Sápmi. Prošeavttaide siskkabealde eará Interreg-prográmmaid ii juolluduvvo doarjja.
• Sámediggi sáhttá veahkkin mielruhtadeaddjin sihke smávit ovdaprošeavttaide ja stuorábuš váldoprošeavttaide.
• Sámediggi addá dušše doarjaga organisašuvnnaide mat čužžot norgga váldoovttasbargoguoibmin Interreg Aurora ohcamušas.
• Sámediggi sáhttá addit doarjaga gitta 25 % rádjái norgga prošeaktagoluin. Doarjja lea dábálaččat eanemusat 200 000 ruvnno, muhto doarjja sáhttá lasihuvvot gitta 500 000 ruvdnui prošeavttaide mat erenoamážit váikkuhit Sámedikki mihttomeriid joksamii.
• Sámediggi addá doarjaga dušše daid norgga goluide Interreg prošeavttas. Ruoŧa ja Suoma ovttasbargoguimmiid goluid ii govčča Sámedikki ortnet.
• Doarjja ii addojuvvo vuođđoháhkamii, fievrruide, eanadoalloreaidduide, gálvogoluide bajásdoallamii, doaibmavuđot goluide, sosiála goluide, doaibmabijuide mat botnjet gilvvu láigohanvisttiide, vuorkávisttiide ja reaidovisttiide, giddodagaid oastimii, leasemii, sieiva lonuhemiide, geavahuvvon mašiinnaide ja reaidduide, bálkágoluide, vuođđoohppui ja doaibmabijuide mat ruhtaduvvojit almmolaš bušeahttaboasttaid bokte

Eará doarjjaeavttut:

Geahča doarjjanjuolggadusaid.

Njuolggadusat Interreg (PDF, 211 kB)

Ohcanskovvi - Interreg