Doarjjaortnega mihttomearri:

• Sámi mánáidgárddiin ja sámi ossodagain norgalaš mánáidgárddiin ohppet sámi mánát sámegiela ja sámi kultuvrra ja árbevieruid birra.

Dása sáhtát oažžut doarjaga:

• Mánáidgárddit mat ovddidit ja lágidit mánáidgárdefálaldaga sámi árvvuid, giela, kultuvrra ja árbedieđuid mielde.

Gii sáhttá oažžut doarjaga:

• Sámi mánáidgárddit.
• Mánáidgárddit main lea sámi ossodat.

Ná olu sáhtát oažžut doarjaga:

• Vuođđomearri ossodaga nammii lea 73 000 ru rádjái.
• Gitta 46 000 ru rádjái juohke sámegielat mánáidgárdebargi nammii olles virggis, ráddjejuvvon guovtti sámegielat bargi nammii ossodagas. Oasseáigevirggiide addojuvvo doarjja virggi sturrodaga mielde.
• Sámedikki doarjagat sámi mánáidgárdefálaldagaide galget geavahuvvot sámi mánáidgárddiid fálaldaga organiseremii mii lea vuođđuduvvon sámegillii ja sámi kultuvrii. Doarjaga ii sáhte fondii bidjat.
• Dakkár lassigolut sáhttet leat:
  • Bálká sámegielat bargiide.
  • Honorára resursaolbmuide.
  • Golut doaimmaid organiseremis mat ovddidit ja ovdánahttet sámegiela ja sámi kultuvrra.
  • Golut gelbbolašvuođaloktemii sámegielas, sámi kulturipmárdusas, kulturgelbbolašvuođas ja máhtus árbevirolaš sámi barggus.
  • Geavahusávdnasiid ja pedagogalaš ávdnasiid oastin plánejuvvon doaibmabijuid čađaheapmái sámegiela ja sámi kultuvrra nannemis
  • Pedagogalaš ávdnasat sáhttet omd. leat:
    • Sámegiel hupmanpáhkka.
    • Gielladohkát.
    • Sámegiel girjjit, cd:t, spealut.

Eará doarjjaeavttut:

Geahča doarjjanjuolggadusaid.

Regelverk samiske barnehager og barnehager med samisk avdeling - søkerbaserte tilskudd 2023 (PDF, 214 kB)

Ohcanskovvi - Doarjja sámi mánáidgárddiide ja sámi ossodagaide dáčča mánáidgárddiin