Doarjja sámi giellaprošeavttaide

Doarjja sámi giellaprošeavttaide

Ulbmil doarjjaortnegiin lea ahte álbmogis lea vejolašvuohta oahppat ja ovddidit sámegiela.

FUOM: OHCANÁIGEMEARIT LEAT RIEVDAN

Ohcanáigemearit:

  • Njukčamánu 1. beaivvi.
  • Miessemánu 15. beaivvi
  • Čakčamánu 1. beaivvi.

Ohcamat meannuduvvojit oktanaga maŋŋel ohcanáigemeari. Omd. ohcamat mat bohtet maŋŋel njukčamánu 1. beaivvi, meannuduvvojit maŋŋel miessemánu 1. beaivvi.

Dása sáhtát oažžut doarjaga:

  • Ráhkadit sámegielat applikašuvnnaid ja spealuid dahje jorgalit dákkáriid sámegillii.
  • Sámegielkurssat rávisolbmuide.
  • Giellaovddidandoaibmabijut sámi giellaguovddážiid várás mat leat ásahanmuttus ja mat ovdal leat ožžon doarjaga  ásaheapmái.
  • Sámi báikenamaid čohkken ja/dahje gaskkusteapmi.
  • Ráhkadit digitála sátnegirjjiid sámegillii.
  • Terminologiijaprošeavttat maid mihttomearrin lea ráhkadit ođđa tearpmaid dahje ealáskahttit boares tearpmaid.
  • Váikkuhit dan ahte sámi mediafálaldagaide, mat leat ásahuvvomin, bohtet ovddidanprošeavttat dassážii go šaddet dássedis doarjjaortnegat.
  • Sámi giellaarenat.
  • Sámegielat digitála arenat mánáide ja nuoraide, nugo ovdamearkka dihtii e-valáštallan ja sosiála mediat.
  • Sámi gielladoaibmabijut
  • Sámi gielladoaibmabijut sámi giellavahkku 2021 oktavuođas.
  • Hábmet modeallaid vai ovtta regiovnna giellaresurssat ovttasráđiid sáhttet buoridit giellaoahpahusa.
  • Váikkuhit Biibbala jorgaleami lulli- ja julevsámegielaide.

Gii sáhttá ohcat:

  • Almmolaš ja priváhta organisašuvnnat/ásahusat/fitnodagat
  • Sámi giellaguovddážat mat ožžot njuolggodoarjaga Sámedikki bušeahtta bokte, eai sáhte oažžut doarjaga dán doarjjaortnegis. Spiehkasteapmi lea:
    • Sámi giellaguovddážat julev-, lulli- ja márkosámi guovlluin sáhttet ohcat doarjaga vuoruheamis “Sámi giellaarenat” ja "Hábmet modeallaid vai ovtta regiovnna giellaresurssat ovttasráđiid sáhttet buoridit giellaoahpahusa".
  • Giellaguovddážat mat juo leat ásaheame vuolde ja leat ožžon dasa doarjaga, sáhttet ohcat. Ii addo doarjja ođđa giellaguovddážiid ásaheapmái.
  • Fitnodagat, ásahusat ja organisašuvnnat mat ožžot doarjaga, galget leat registrerejuvvon Norgga Ovttadatregistarii.

Ná olu sáhtát oažžut doarjaga:

  • Eanemus doarjja maid sáhtát oažžut lea kr 300 000 rádjái.
  • Eanemus doarjja “Sámi gielladoaibmabijuide”, “Sámi gielladoaibmabijuide sámi giellavahku 2021 oktavuođas” ja “Sámegielat digitála arenat mánáide ja nuoraide, nugo ovdamearkka dihtii e-valáštallan ja sosiála mediat” lea kr 40 000 ru rádjai.

Čuovvovaš mildosat galget leat ohcama mielde:

  • Prošeaktačilgehus mas čuovvovaš čuoggát leat čilgejuvvon:
  • Soahpamuš applikašuvnnaid vuoigatvuođaoamasteddjiin (guoská ohcamii applikašuvnnaid heiveheami oktavuođas).
  • Sámegielkurssaide kursaplána.

Álkiduvvon ohcan:

Prošeavttaide “Sámi gielladoaibmabijuide”, “Sámi gielladoaibmabijuide sámi giellavahku 2021 oktavuođas” ja “Sámegielat digitála arenat mánáide ja nuoraide, nugo ovdamearkka dihtii e-valáštallan ja sosiála mediat”  galgá mielddusin prošeaktačilgehus mas čuovvovaš čuoggát leat čilgejuvvon:

  • Prošeavtta áigumuš/fágalaš sisdoallu
  • Ollislaš bušeahtta mas leat buot golut ja ruhtadanplána
  • Vejolaš ovttasbargoguoimmit

Eambbo dieđut doarjjaortnega eavttuid birra:

Geahča Sámi giellaprošeavttaid doarjjanjuolggadusaid.

 

Elektrovnnalaš ohcanskovvi 

 

Sámi giellaprošeavttaid doarjjanjuolggadusat 2021 - ohcanvudot doarjja (PDF, 494 kB)

Prošeaktačilgehus (DOCX, 15 kB)

Raporterenskovvi - Doarjja sámi giellaprošeavttaide (DOCX, 19 kB)

Čoggojuvvon báikenamat-skovvi (XLSX, 13 kB)

Rávvagat Sámi nammanevvohagas báikenammačoggiide (DOCX, 27 kB)

Tearbmabargonjuolggadusat (DOC, 35 kB)

Leatgo dus gažaldagat?

Anne Marit Triumf
Seniorráđđeaddi Giellahálddašan ja -politihka juogus
E-poasta
Telefovdna 78 48 42 11
Siv Marit Romsdal Eira
Ráđđeaddi Giellahálddašan ja -politihka juogus
E-poasta
Telefovdna 78 47 40 72