Ulmie:

Hijven healsoe jïh seammavyörtegs healsoe-, hokse- jïh maanavaarjelimmiedïenesjh

Öörnegen dåarjoedåastojh:

• Siebrieh, sïelth jïh institusjovnh
• Aktegsaktöörh byjjes ektiedimmine dotkeme- jïh ööhpehtimmieinstitusjovnide
• sïelth, institusjovnh jïh siebrieh mah dåarjoem dåastoeh tjuerieh registreradamme årrodh Enhetsregisterisnie Nöörjesne

Prioriteradimmieh 2021:

• Vuekieevtiedimmieprosjekth
• Prosjekth mah saemien skïemtjiji meatanbaajnehtimmiem jïh utnijestuvremem lissiehtieh
• Prosjekth mah saemien maanaj reaktah jïh daerpiesvoeth gorredieh gosse dah leah maanavaarjelimmien hoksen nuelesne
• Prosjekth mah dokumenteradamme daajroem buektieh saemien maanaj bïjre maanavaarjelimmien hoksen nuelesne
• Prosjekth mah psykiske healsoem nænnoestieh saemien maanaj jïh noeri luvnie.
• Prosjekth mah daajroem evtiedieh saemien gïelen jïh kultuvren bïjre saemien healsoen, hoksen jïh maanavaarjelimmien sisnjeli
• Prosjekth mah viehkiehtieh heerredidh jïh giehpiedidh låhkoem aemieluesiemijstie, aemieluesemevoejhkelimmijste jïh jïjtjeslæjrarimmijste
• Prosjekth mah hijven healsoem båatsosne eevtjieh

Vuarjasjimmie ohtsemijstie jïh prioriteradimmieh dej gaskem:

Ohtsemh vuarjasjamme sjidtieh ekonomeles, maarhkedeligke, teknihkeles, siebriedahkenåhtoen, tjiehpeles, faageles jïh jeatjah sjyöhtehke krööhkemi mietie, gaskem jeatjah mejtie gåarede prosjektem praktihkeles tjïrrehtidh.

Vuarjasjimmesne ohtsemijstie leavloe bïejesåvva faageles sisvegasse, profesjonaliteetese jïh kvaliteetese. Sïjhtebe faatoes reektehtsh aarebi dåarjoeaamhtesinie krööhkestidh.

Gosse ohtsemh gïetesuvvieh Saemiedigkie maahta vuarjasjidh mejtie ohtsijen lea ekonomeles nuepie prosjektem/tseegkemem tjïrrehtidh. Saemiedigkie maahta kredihtebïevnesh veedtjedh ohtsijen bïjre.

Ryöknedimmienjoelkedassh:

Dåarjoe ryöknesåvva tjïelkestamme ohtsemen jïh prosjektebuerkiestimmien mietie, raajan
500 000 kråvnah.

Elektrovneles ohtsemegoere