Jeatjah dåarjoe-öörnegh

Jeatjah dåarjoe-öörnegh

Evtiedimmiedåarjoe saemien digitaale learoevierhtide

Ööhpehtimmiedirektoraate dåarjoem evtiedæmman saemien digitaale learoevierhtijste vadta. Öörnegen ulmie lea viehkiehtidh learoevierhtieh Maahtoelutnjemasse LM20S jïh faagide LM20 saemien gïelesne sjïehtedidh, jarkoestidh jïh/jallh evtiedidh jolle kvaliteeteste, jïh eah parallelle saemien learoesoejkesjh utnieh. Ohtsememierie ruffien 30.b. 2002, jïh dåarjoeöörnegen mierie lea 15 millijovnh kråvnah

Teknologeles skuvlevoesse

Jaepien 2018 reerenasse sov 5-jaepien digitaliseradimmiestrategijine nïerhki maadthlïerehtæmman, «Teknologeles skuvlevoesse». Dan strategijen tjïrrh learohkh:

  • daajroem jih goerkesem åadtjoeh teknologijen, algoritmeles ussjedimmien jih programmeradimmien bïjre
  • hijven digitaale learoevierhtieh åadtjoeh
  • hijven, jearsoe jih daajbaaletje sïjse-loggadimmievuekieh åadtjoeh mej tjïrrh aelhkebe sjædta digitaale learoevierhtieh nuhtjedh

Reerenasse lea 450 millijovnh kråvnah barkose ovmessie råajvarimmiejgujmie dåårjeme. Maahtoedepartemeente lea Ööhpehtimmiedirektoraatese stillemem vadteme daej råajvarimmiejgujmie nïerhkedh

  1. Dåarjoe daejremejarngide juktie programmeradimmine maadthlïerehtimmesne barkedh
  2. Dåarjoe dalhketjidie skuvle-aajhterasse mij jåarhkeööhpehtimmiem/maahtoelutnjemem prioriterede programmeradimmien
  3. Dåarjoe juktie digitaale learoevierhtieh faageorrestæmman evtiedidh
  4. Dåarjoe tjïeltide juktie digitaale learoevierhtieh åestedh
  5. Feide 2.0 sjïehtesjidh maadthlïerehtæmman
  6. Tseegkeme viermievuekijste juktie digitaale learoevierhtieh våajnoes darjodh, mah neebnesuvvieh 4. Råajvarimmesne.
  7. Råajvarimmieh kvaliteeten gaavhtan learoevierhtine
  8. Salkehtimmie ektie vuekijste balvedïenesjidie maadthlïerehtæmman

Vielie bïevnesh Teknologeles skuvlevoessen bïjre