Dát fágasuorgi lea leamaš unnán fokusis. Maŋimuš áiggiid lea dát dattetge boahtán beaiveortnegii raporttaid bokte doaibmanávccahis sámiid dili birra.
Fuones doaibmanákcan lohkkojuvvojit goruda oasit dahje muhtun goruda psykologalaš, fysiologalaš dahje biologalaš doaimma massin, vihki dahje earálaganvuohta. Muhtumat leat riegádan doaibmanávccahisvuođain, ja earát fas ožžot doaibmanávccahisvuođa dávdda dahje vigi geažil maŋŋelis eallimis.
Sámediggeráđi dásseárvopolitihkalaš čilgehus doaibmahehttehusa birra (PDF, 712 kB)
Stáhtus:
Ođđaset dutkama vuođul sáhttá čujuhit dasa ahte muhtun doaibmanávccahis sámit eai oaččo dál vejolašvuođa oahppat iežaset giela ja kultuvrra dainna čujuhusain ahte sis ii leat kapasitehta oahppat guokte giela. Dán geažil eai sáhte buohkat válljet sámegiela vuosttašgiellan.
Doaibmanávccahis sámit gillájit maiddái ollu givssideami, vaššicealkámušaid, veahkaválddi, vearredaguid, ožžot hástalusaid psykalaš dearvvašvuođain, ja vailu máhttu ja gelbbolašvuohta movt eastadit, fuomášit ja čuovvulit dán lágan hástalusaid.
Strategiijat:
- Váikkuhit stuorát rabasvuođa doaibmanávccahisvuođa birra miellaguottuid duddjojeaddji barggu bokte.
- Bidjat erenoamáš fokusa doaibmanávccahisvuođa ektui sámi oahppoplánaid ráhkadeami oktvuođas.
- Ovddidit ođđaáigásaš sámi terminologiija doaibmanávccahisvuođa birra.
- Váikkuhit eanet demokráhtalaš searvama doaibmanávccahis olbmuid ektui Sámedikki válgaráhkkaneaddji barggu bokte.
Sámedikki doaibmaplána doaibmavádjit sápmelaččaid vuoigatvuođaid ollašuhttimii 2024-2026
Sámediggi háliida earenoamážit fokuseret doaibmavádjit sápmelaččaide. Mihttomearri lea sámi servodat mas leat ovttalágan vuoigatvuođat ja vejolašvuođat doaibmavádjigiidda. Dán barggus čielggai árrat ahte dán doaibmaplána váldomihttomearri ferte leat álggahit barggu kártet movt sáhttá ollašuhttit doaibmavádjit sápmelaččaid vuoigatvuođaid dakko bokte ahte sii besset gullot servodatdigaštallamis.
Sámediggi lea dán doaibmaplánas, mii mearriduvvui geassemánu 12. beaivvi 2024, válljen deattuhit doaibmabijuid maid Sámediggi sáhttá dahkat iešheanalaččat. Sámediggi áigu leat čielga jietna riikkaidgaskasaš forain fáttá loktemis.
Sámedikki doaibmaplána doaibmavádjit sápmelaccaid vuoigatvuodaid ollašuhttimii 2024-2026 (PDF, 440 kB)