Lahttoriikkat geatnegahttojuvvojit buktit raportta CERD:ii mii bearráigeahččá konvenšuvnna čađaheami. Raporta galgá buktojuvvot juohket njealját jagi.

Konvenšuvdna galgá sihkkarastit dan ahte doaibmanávccahemiide sihkkarastojuvvojit olmmošvuoigatvuođat seamma vuogi mielde go buohkaide earáide. Dát guoská maiddái sámiide geain leat fuones doaibmanávccat. Konvenšuvdna galgá váikkuhit dan ahte olbmot geain leat fuones doaibmanávccat eai vealahuvvo dan geažil. Fuones doaibmanákcan lohkkojuvvojit goruda oasi dahje muhtun goruda psykologalaš, fysiologalaš dahje biologalaš doaimma massin, vihki dahje earálaganvuohta. 

Vaikko vuoigatvuođat olmmošvuoigatvuođa konvenšuvnnain gustojit buot olbmuide, de čájeha dutkan ahte doaibmanávccaheamit olgguštuvvojit ollu deaŧalaš surggiin servodagas, nugo oahpu, dearvvašvuođa ja barggu oktavuođas. Dutkan čájeha doaibmanávccahis sámiid ektui ahte doaibmanávccahis sámit dál eai oaččo vejolašvuođaid iežaset giela ja kultuvrra ektui, ja gillájit erenoamáš ollu givssideami, vaššicealkámušaid, veahkaválddi ja vearredaguid. 

Les FN-konvensjonen om rettigheter for mennesker med nedsatt funksjonsevne