Sámediggi háliida earenoamážit fokuseret doaibmavádjit sápmelaččaid.  Mihttomearri lea sámi servodat mas leat ovttalágan vuoigatvuođat ja vejolašvuođat doaibmavádjigiidda. Dán barggus čielggai árrat ahte dán doaibmaplána váldomihttomearri ferte leat álggahit barggu kártet movt sáhttá ollašuhttit doaibmavádjit sápmelaččaidvuoigatvuođaid dakko bokte ahte sii besset gullot servodatdigaštallamis.  

Sámediggi lea dán doaibmaplánas válljen deattuhit doaibmabijuid maid Sámediggi sáhttá dahkat iešheanalaččat. Sámediggi áigu leat čielga jietna riikkaidgaskasaš forain fáttá loktemis. 

Loga: Sámedikki doaibmaplána doaibmavádjit sápmelaččaid vuoigatvuođaid ollašuhttimii 2024-2026 (PDF, 440 kB)