Saemiedigkiebïevnesisnie mïrrestallemen bïjre, Sábme jállu, akte dejstie barkoesuerkijste lea saemieh svihtjemevariasjovni gujmie mah eah leah nåårmi mietie. Dahkoesoejkesje dorjesovveme guktie daan dåehkien reaktah tjïrrehtidh. Akte dejstie råajvarimmijste soejkesjisnie lea sjïere raeriem tseegkedh saemide svihtjemevariasjovni gujmie mah eah leah nåårmi mietie.

Raerie galka Saemiedægkan raeriestidh. Raerie galka dååjrehtsh jïh maahtoem evtiedidh, jïh viehkiehtidh aamhtesh mah vihkeles saemide svihtjemevariasjovni gujmie mah eah leah nåårmi mietie, ræhpas jïh jaksoes vuekien mietie gïeteduvvieh. 

Lohkh Sábme jállu - saemiedigkiebïevnese mïrrestallemen bïjre

Lohkh Saemiedigkien dahkoesoejkesje guktie saemien svihtjemeheaptoji reaktah tjïrrehtidh  

Raerie saemide svihtjemevariasjovni gujmie mah eah leah nåårmi mietie: Garrah-bieleste: Odd Petter Elvenes, Aili Kirste Arntzen, Frid Tellefsen Svineng jïh Asbjørn Andersen. Ij meatan guvvesne, sæjjasadtje: Ditte Emilie Hatlelid.