Sámedikki dieđáhusas dásseárvvu birra, Sábme jállu, leat sápmelaččat geain leat doaibmavariašuvnnat meroštallojuvvon oktan áŋgiruššansuorgin. Dieđáhus čuovvuluvvui doaibmaplánain dán joavkku vuoigatvuođaid ollašuhttima dihte. Plánas okta doaibmabijuin lea sierra ráđi ásaheapmi sápmelaččaid váste geain leat doaibmavariašuvnnat mat eai čuovo norpmaid.

Ráđđi doaibmá rávvejeaddji orgánan Sámediggái. Dat galgá ovddidit vásáhusaid ja máhtu, ja dahkat ahte áššit mat gusket sápmelaččaide geain leat doaibmavariašuvnnat mat rihkkot norpmaid, meannuduvvojit rahpasit ja olámuttolaš vugiin.

Loga Sábme jállu - sámediggedieđáhusa dásseárvvu birra

Loga Sámedikki doaibmaplána doaibmavádjit sápmelaččaid vuoigatvuođaid ollašuhttimii 

Ráđđi sápmelaččaid váste geain leat doaibmavariašuvnnat mat eai čuovo norpmaid: Gurut bealde: Odd Petter Elvenes, Aili Kirste Arntzen, Frid Tellefsen Svineng ja Asbjørn Andersen. (várrelahttu gii ii leat mielde govas: Ditte Emilie Halelid).